Kryeministri i Pakistanit, Shehbaz Sharif, ka reaguar me tone të ashpra pas sulmeve ajrore të Izraelit ndaj Iranit, duke i cilësuar ato si një akt “i rëndë dhe tmerrësisht i papërgjegjshëm” që, sipas tij, rrezikon të thellojë më tej destabilizimin në një rajon tashmë të dhunshëm.
Në një deklaratë të publikuar në rrjetin social X, Sharif shprehu solidaritetin e tij me popullin iranian dhe dënoi humbjet e jetëve që pasuan goditjen izraelite.
“I shpreh ngushëllimet e mia më të thella popullit iranian për humbjet e jetëve nga ky sulm”, shkroi ai.
Kryeministri pakistanez u bëri thirrje gjithashtu aktorëve ndërkombëtarë të veprojnë me përgjegjësi, duke theksuar nevojën urgjente për të parandaluar çdo përshkallëzim të mëtejshëm që mund të kërcënojë paqen rajonale dhe botërore.
Ndërkohë, Ministri i Jashtëm i Pakistanit, Ishaq Dar, njoftoi se është ngritur një njësi emergjence dhe menaxhimi krize, e cila qëndron në gatishmëri për të ofruar ndihmë për qytetarët pakistanezë që ndodhen aktualisht në Iran.
Vlen të theksohet se Pakistani nuk ka marrëdhënie diplomatike me Izraelin./abcnews.al
