Derby County e nisi sezonin e ri në Championship me objektivin për t’u kthyer në Premier League, por Wayne Rooney me shokë po hasin vështirësi të shumta.
“Deshët” kanë grumbulluar vetëm 6 pikë në 11 javë kampionat dhe renditen në vend të fundit bashkë me Sheffield Wednesday.
Derby County Football Club have parted company with manager Phillip Cocu, Chris van der Weerden and Twan Scheepers by mutual agreement and immediate effect.
Full story?#DCFC
— Derby County (@dcfcofficial) November 14, 2020
Ecuria negative ka detyruar drejtuesit e klubit 136-vjeçar të bëjnë ndryshime në pankinë. Philippe Cocu është shkarkuar nga detyra e trajnerit.
50-vjeçari holandez mbante këtë post prej korrikut të vitit të kaluar, duke drejtuar Derby County në 65 ndeshje. Bashkë me të janë larguar dhe pjesëtarët e stafit teknik. /abcnews.al
