Loading ...58-vjeçari Renato Hoxhaj i cili u ekzekutua në lagjen “Hajro Çakërri” në Vlorë mëngjesin e së dielës dyshohet të jetë vrarë për hakmarrje. Sipas të dhënave te siguruara deri tani nga grupi hetimor, dyshohet se Hoxhaj ka qenë i përfshirë në një ngjarje kriminale të ndodhur kohë më parë në qytetin e Vlorës. Policia dyshon se Renato Hoxhaj mund te ketë pasur rolin e informatorit dhe për këtë arsye eshte ekzekutuar në shenjë hakmarrjeje.
Mbrëmjen e së hënës policia vuri në pranga në Tiranë një person që dyshohet të ketë bashkëpunuar me ekzekutorët e Renato Hoxhajt në Vlorë. Eris Mehmeti, sipas hetimeve, dyshohet se i ka dhënë makinën autorit te atentatit. Hetuesit arriten tek ky person, pas identifikimit te mjetit me të cilin lëvizi vrasësi i 58 vjecarit Hoxhaj. Mjetit i ishin ndërruar edhe targat që dyshohen të jene te vjedhura.
Ne telefonin e sekuestruar te ndaluarit Eris Mehmetajt jane gjetur biseda që kanë ndihmuar grupin hetimor në identifikimin e autorit të dyshuar te ekzekutimit. Tashme policia ka nje emer per autorin e dyshuar te vrasjes se Renato Hoxhajt, bazuar ne komunikimet me te ndaluarin Mehmeti dhe pamjet e kamerave ne zonen ku ndodhi atentati ne Vlore te dielen. Në këto pamje të kamerave të sigurisë, shfaqet autori i maskuar teksa shkon për të ekzekutuar Renato Hoxhajn.
Hetuesit kanë mundur të zbulojnë edhe intinerin e vrasësit I cili rezulton që deri në Ksamil të jetë larguar me të njëjtën makinë. Aty ekzekutori ka zbritur dhe ka ecur në këmbë ndërsa më pas ka përdoru një taksi . Kjo e fundit po verifikohet nga policia për të gjetur gjurmë të tjra. Sipas te dhenave te deritanishme nga hetimi, një prej vrasësve dyshohet se është larguar në Greqi ilegalisht.
