Drejtuesi i Prokurorisë së Rrethit Gjyqësor Pogradec, Sotir Kllapi, ka dalë sot para Komisionit të Pavarur të Kualifikimit, për Vetingun.
Prokurori Kllapi ka “ngecur” në kriterin e aftësive profesionale. Komisioni ka ngritur dyshime, se prokurori ka favorizuar dy çështje që ka hetuar. Sipas KPK, subjekti i rivlerësimit ka ndryshuar akuzat, në favor të të ndaluarve.
Nga deklarata në Inspektoriatin e Lartë të Deklarimit dhe Kontrollit të Pasurive e Konfliktit të Interesit dhe nga hetimet e KPK-së, rezulton se Kllapi ka deklarim të saktë dhe në përputhje me ligjin. Sipas KPK, prokurori ka burime të ligjshme, nuk ka kryer fshehje të pasurisë dhe nuk gjendet në kushtet e konfliktit të interesit.
Prej vitit 2014, Sotir Kllapi është drejtues në Prokurorinë e Pogradecit. /ABC News Albania 24/7
