Kryetari i Partisë Demokratike të Kosovës, Memli Krasniqi thotë se kryeministri Albin Kurti po e izolon vendin dhe po sjell sanksione nga aleatët kryesorë.
Përmes një postimi në rrjetet sociale, Krasniqi u shpreh se Kurti ka zgjedhur konfrontimin me aleatë, pas dështimit në çdo sektor përmes qeverisjes jokompetente.
Sipas tij, Kosova nuk mund të mbetet peng e tekave të Kurtit.
“Situata nuk është normale dhe nuk mund ta simulojmë normalitetin. Qytetarët kanë nevojë për qartësi në këtë kohë konfuzioni. Dhe një gjë është më se e qartë: Kosova nuk mund të mbetet edhe më tutje peng e tekeve të Albin Kurtit”, shkroi ndër të tjera Krasniqi në Facebook.
