Krasta e Krujës nën pushtetin e zjarrit për të katërtën ditë radhazi

Zjarri ne Kurorën e pishave në zonën e quajtur Krastë ne Kruje ndodhet prej katër ditësh nën pushtetin e flakëve të zjarrit.

Fillimisht vatra e zjarrit është shfaqur në ish repartin ushtarak në thellësi te kurorës se pishave të Krujës.

Më pas një tjetër vatër në zonën e fabrikës se çimentos në Fushe Kruje, duke u përhapur flakët ne sipërfaqe te konsiderueshme, në pjesën e Krastës dhe në malin e fshatit Borizane.

Merita Bakiu deputete e Krujës është shprehur se asnjë nga institucionet nuk po merret seriozisht me situatën që duket se ka dale jashtë kontrollit.

Lexo edhe: “Të heqim mentalitetin duhet helikopter për të shuar zjarrin,” Peleshi-kryebashkiakëve: S’ka pushime këtë verë

Flaket po avancojnë akoma dhe me shumë te favorizuara dhe nga erërat e forta.

Ajo apelon për ndërhyrje te menjëhershme në shuarjen e flakëve të zjarrit që kanë pushtuar pishat e Krujës prej katër ditëve.

Gjithashtu emergjencat bashkiake kanë kërkuar ndihmë nga Ministria e Mbrojtjes për ndërhyrje nga ajri, por 4 helikopterët ‘Coguar’ të ‘Mbrojtjes’ ishin në remont.

Ditën e djeshme Ministri i Mbrojtjes, Niko Peleshi theksoi se për momentin, vatra më serioze është në Krujë, ku sipas tij kanë shkuar 60 forca nga Forcat e Armatosura./abcnews.al/