Numërimi i votave është në fund të tij në Kosovë, ndërsa Komisioni Qendror i Zgjedhjeve po i pasqyron rezultatet paraprake në faqen e saj.
Referuar këtyre të dhënave, Lëvizja Vetëvendosje ka marrë 198 215 vota ose 25.77 për qind, kurse e dyta renditet LDK-ja me 192 900 vota ose 25.08 për qind.
Partia Demokratike e Kosovës është e treta dhe ka marrë 162 858 apo 21. 17 për qind të votave.
Kurse, koalicioni AAK-PSD ka marrë 89.474 vota ose 11.63 për qind.
Koalicioni Nisma Socialdemokrate dhe Aleanca Kosova e Re ka marrë 37 816 vota ose 4.92 për qind.
Ndërsa, Lista Serbe ka marrë 47.633 vota ose 6,21 për qind.
Numërimi i fletëvotimeve në vendvotime është përmbyllur mbrëmë, por vetëm procesimi i të dhënave nuk është bërë akoma për më pak se 4 të vendvotimeve.
Kështu ka thënë zëdhënësi i KQZ-së, Valmir Elezi, i cili ka shtuar se këto janë rezultate paraprake, por do të bëjnë përpjekje që sa më shpejt t’i shfaqin të dhënat nga të gjitha vendvotimet. /abcnews.al/
