Ardhja e teknikut Mauricio Pochettino në krye të pankinës së “bluve” të Chelsea, duket se do të sjellë një revolucion të vërtetë te londinezët, me largimin e parë që pritet të jetë ai i “arkitektit” kroat të mesfushës, Mateo Kovacic.
Sipas raportimeve të mediave britanike, “qytetarët” e Manchester City janë të interesuar për të nënshkuar me mesfushorin 29-vjeçar, me klubin që mësohet se ka nisur të diskutojë kontratën personale me lojtarin.
Nga ana tjetër, Presidenti Todd Boehly, duket se nuk e ka aspask problem largimin e Kovacic, teksa mund t’i përdorë paratë për të sjellë një mesfushor edhe më të talentuar se kroati, gjatë verës, në “Stamford Bridge”.
Ndërkaq, kujtojmë se përgjatë këtij sezoni, Kovacic ka zhvilluar plot 37 përballje për “blutë” e londrës, teksa ka arritur të shënojë vetëm 2 herë e të dhurojë vetëm 2 asistime për shokët e tij të skuadrës. /i.m /abcnews.al
