Kotzias konfirmon në Bruksel: Rama e Tsipras do të takohen në Davos

Përfaqësuesi i Athinës për politikë të jashtëme, Nikos Kotzias në mbledhjen e këshillit për punë të jashtëme të BE-së, njoftoi se kryeministri Edi Rama do të takohet me homologun e tij grek, Aleksis Tsipras. Takimi mes dy krerëve të qeverive respektive do të zhvillohet gjatë forumit ekonomik botëror që mbahet në Davos nga data 23 deri më 26 janar. “Informova kolegët e mij për negociatat 3-ditore që mbajtëm në Shqipëri, pas negociatave 4-ditore të zhvilluara në Kretë. Unë i informova ata se negociatat në Shqipëri ishin të suksesshme dhe u dakordësuam në pika ku kishim mosmarrëveshje dhe për çështje të mbetura pezull në 70 vitet e fundit”, shkruhet mes tjerash në një deklaratë të ministrsë së jashtme të Greqisë. Ndërsa nënvizohet se këto zhvillime do të konfirmohen në takimin mes Ramës dhe Tsipras./abcnews.al