Pas vizitës së djeshme të Vladimir Putin në Korenë e Veriut, Koreja e Jugut dënoi një pakt të nënshkruar nga dy shtetet. Rusia dhe Koreja e Veriut ranë dakord për një marrëveshje të re të mbrojtjes duke u zotuar të ndihmojnë njëra-tjetrën në rast pushtimi.
Koreja e Jugut dënoi paktin, të cilin e quajti “absurd” dhe tha se do të rishqyrtonte dërgesat e armëve në Ukrainë. Zyra presidenciale tha se ndihma ushtarake e Rusisë për Veriun do të kishte një ndikim negativ në marrëdhëniet midis Seulit dhe Moskës.
Çdo veprim që ndihmon Korenë e Veriut të rrisë aftësitë e saj ushtarake është shkelje e rezolutës së OKB-së, tha ai.
Ai shtoi se do të forconte më tej bashkëpunimin e sigurisë së Koresë së Jugut me SHBA-në dhe Japoninë.
/abcnews.al
