Brescia udhëton të dielën drejt Napolit për t’u ndeshur me ekipin e Ancelottit, ndërsa të premten e ardhshme pret Sassuolon në shtëpi. Koret raciste të ardhura nga grupimi ultras kundrejt Miralem Pjanic në humbjen 1-2 kundër Juventusit nuk kanë kaluar pa dënime.
Gjykatësi Sportiv ka vendosur të s’kualifikojë me një ndeshje tifogrupin “Curva Nord”, kështu që një prej tribunave pas porte do të qëndrojë e mbyllur në ndeshjen kundër Sassuolos.
Ultrasit e “Dallëndysheve” u kapën me mesfushorin boshnjak të bardhezinjve, ndërsa nuk munguan thirrjet “cigan m…”. Racizmi po kthehet në një fenomen shqetësues për futbollin italian dhe masat e marrë pritet të jena akoma edhe më të ashpra në vijim. /abcnews.al
