Është zhvilluar këtë të shtunë seanca për masën e sigurisë për mësuesin Bledar Duro, në Gjykatën e Shkallës së parë në Korçë. Në përfundim të seancës gjykata ka dhënë masën “arrest në burg” për mësuesin.
Mësuesi i arteve 45-vjeçari, Bledar Duro u arrestua nga policia për ngacmim seksual ndaj dy të miturave në shkollën 9-vjeçare.
Sipas policisë 14-vjeçaret merrnin mesazhe në “whatsapp” nga mësuesi Bledar Duro, i cili dyshohet se i ka ngacmuar për më tepër se 1 muaj.
Kanë qenë vajzat që bashkë me prindërit i janë drejtuar komisariatit të policisë së Korçës për të denoncuar rastin e rëndë ku kanë nxjerrë edhe mesazhet që u dërgonte mësuesi.
/abcnews.al/
