Deputeti i grupit demokrat Korab Lita, në një deklaratë për mediat mëngjesin e sotëm bëri me dije se Kryetari i Kuvendit ndërhyn në punët e grupit parlamentar demokrat. Sipas Litës, disa deputetë kanë shprehur dëshirën, për të qenë pjesë e grupit demokrat, dhe kryetari i kuvendit Gramoz Ruçi, ka ndërhyrë në punët e tij pasi kërkon të mbajë Rudina Hajdarin si kryetare grupi.
“Nga infromacione që vijnë nga Kuvendi, jemi vënë në dijeni se disa deputetë kanë shprehur dëshirën për tu bashkuar grupin tonë parlamentar. Si kryetar grupi jam ende në pritje për njoftimet e tyre shkresore. Asnjë deputet nuk mund ti bashkangjitet grupit parlamentar demokrat se do Gramoz Ruçi për të mbajtur kryetare Rudina Hajdarin.
I bëj thirrje Gramoz Ruçit mos ti fus hundët në çështjet tona. Nuk e cakton Gramoz Ruçi se kush hyn dhe kush del në grupin tonë parlamentar. Këtë e vendosin vetëm anëtarët e tij siç e parashikon dhe rregullorja e grupit tonë parlamentar“, tha Lita./abcnews.al
