Marco Verratti ka nënshkruar një kontratë të re me gjigantët francezë të PSG. Kontrata e re përfundon në vitin 2024 duke e bërë italianin lojtarin më ‘jetëgjatë’ në radhët e francezëve. Ai u transferua në Paris verën e 2012 nga Pescara pasi tregoi talentin e tij në Seria A.
Mesfushori ka qenë një pikë kyçe për francezët që nga mbërritja e tij. Këtë sezon ai është aktivizuar në të gjitha ndeshjet nën drejtimin e trajnerit, Thomas Tuchel. Sipas “Corriere dello Sport”, Verrati do të përfitojë 17 milionë € në sezon. Kjo do të thotë që ai do të fitojë diku te 85 milionë € në 5 vitet e ardhshme në klubin që e zotëron sheiku i Katarit, Al-Khelaifi.
PSG vazhdon të kryesojë renditjen në Ligue 1 me një diferencë prej 11 pikësh nga vendi i dytë që mbahet nga Nantes. Ndërkohë në Champions League klubi francez ruan vendin e parë duke mos pësuar asnjë gol në 3 ndeshjet e para. /abcnews.al
