23 persona staf mjeksorë në Kosovë janë futur në vetëizolim pasi një pacientë që ndodhej e shtruar në Klinikën Infektive ka rezultuar pozitive me koronavirus.
Ministria e Shëndetësisë përmes një njoftimi për mediat ka bërë me dije se, ditën e dielë një paciente që po merrte mjekim intensiv në QKUK ka rezultuar pozitive me koronavirus.
Mjekët dhe infermierët që kanë pasur kontakt me pacientën e konfirmuar pozitive me koronavirus, po qëndrojnë në vetëizolim deri në daljen e përgjigjes së tamponit.
“Një paciente e shtruar në Mjekimin Intensiv të QKUK-së ka rezultuar ditën e diele pozitiv në SARS-COV-2. Me qëllim të parandalimit të përhapjes së infeksionit, ndërrimi i ditës së diele i Klinikës së Anesteziologjisë dhe ndërrimi i ditës së shtune, i kësaj klinike: 5 mjekë, 14 infermierë, 2 higjienistë dhe 2 bartës, janë futur në vetizolim, sipas rekomandimeve të IKSHPK-së.Të njëjtëve, do t’u bëhen testet gjatë javës për SARS-COV-2, derisa pacientja, të dielën është shtruar për Mjekim në Klinikën Infektive.
Shërbimi mjekësor në Klinikën e Mjekimit Intensiv, vazhdon , pasi që menaxhmenti aty ka riorganizuar ekipet e tjera me qëllim që shërbimi të mos mbetet pa personelin e nevojshëm për ofrim të shërbimeve mjekësore për pacientët” thuhet në njoftimin e Ministrisë./abcneës.al
