Kolegji Universitar Bedër edhe këtë vit ofron 100 Bursa Studimi për maturantët që do të regjistrohen për herë të parë në programet Bachelor. Nga fondi i bursave sociale përfitojnë studentët që regjistrohen në raundin e dytë dhe të tretë, për vitin akademik 2020-2021
“Familja e madhe akademike Beder vijon të jetë garant i studentëve. Njëherazi mbështet me bursa të shumëllojshme studentët tanë. Për vitin e ri bursat sociale do të ngrihet nga 50-100% te tarifës vjetore. Njëherazi dashamirët, studentët tanë njoftojmë se për këtë vit kemi kaluar tek kampusi i ri akademik”, thotë Prof. Asoc. Dr. Rahim Ombashi, Dekan i Fakultetit të Shkencave Humane dhe Drejtësisë.
Edhe të rinjtë që ndjekin studimet në “Bedër” shprehen se kane përfituar bursa, pasi ky kolegj universitar mbështet talentet dhe ofron shumë mundësi.
“Bedër është një universitet që i suporton shumë talentet. Unë jam përfituese e bursës së talentit 100% për të tre vitet. Është gjithashtu një universitet që mbështet talentet e të gjitha fushave. Unë kisha talent kërcimin dhe këtu në Bedër gjeta një mbështetje të madhe”, shprehet studentja, Laura Baçi.
“Ajo që më tërhoqi më tepër te universiteti Bedër janë bursat për talentin”, thotë studentja Era Tafa.
Kolegji Universitar Bedër ofron 9 programe studimi, programet në të cilat maturantët mund të aplikojnë në dy raundet e mbetura dhe mund të përfitojnë bursa në degë si: Drejtësi, Gjuhë dhe Letërsi Angleze, Teknologji Informacioni dhe Komunikimi, Shkenca Kompjuterike, Shkenca Komunikimi, Marrëdhënie Publike dhe Komunikim Marketingu, Shkenca Islame. Gjithashtu, për herë të parë këtë vit ofrohen dy programe profesionale: Programim në Web, si dhe Multimedia e Dizajn Grafik.
Kolegji Universitar Bedër edhe këtë vit ofron 100 Bursa Studimi për maturantët që do të regjistrohen për herë të parë këtë vit në programet bachelor, të integruar të ciklit të dytë, si dhe në ato me karakter profesional.
Nga fondi i bursave bursave sociale përfitojnë studentët që regjistrohen në raundin e dytë dhe të tretë, për vitin akademik 2020-2021. Këto bursa shkojnë nga 50 deri në 100%. Më të favorizuar janë ata me rezultate të larta, por pa anashkaluar edhe të tjerët që kanë talent në fusha të caktuara, apo ata që vijnë nga kategori të ndryshme sociale.
Kolegji Universitar Bedër, si një institucion me statusin jofitimprurës, nëpërmjet akordimit të këtyre bursave synon që t’u japë mundësinë të rinjve të marrë një arsimim cilësor.
Kolegji Universitar Bedër ofron 9 programe studimi për maturantët e këtij viti. Programet në të cilat maturantët mund të aplikojnë në dy raundet e mbetura dhe ku mund të përfitojnë bursa janë:
Drejtësi
Gjuhë dhe Letërsi Angleze
Teknologji Informacioni dhe Komunikimi
Shkenca Kompjuterike
Shkenca Komunikimi
Marrëdhënie Publike dhe Komunikim Marketingu
Shkenca Islame
Gjithashtu, për herë të parë këtë ofrohen dy programe profesionale: Programim në Web, si dhe Multimedia dhe Dizajn Grafik. /abcnews.al
