Trajneri i Barcelonës, Ronald Koeman, u shfaq pak momente më parë në konferencën e zakonshme për shtyp një ditë para “El Clasicos”. Holandezi vlerësoi kundërshtarin dhe ka disa fjalë për kritikuesit e tyre. Gjithashtu, ai u ndal tek gara për titullin kampion, mungesat si dhe komentoi fjalët e Klopp për stadiumin ku po luan aktualisht Reali.
REAL MADRID – “Dueli kundër Realit është ndryshe nga të tjerët. Ne po bëjmë mirë, jemi në drejtimin e duhur dhe po luftojmë për të fituar kampionatin. Ata janë kryqëzuar nga kritikat këtë sezon, por realisht janë ende në garë në Champions dhe në kampionat. Nuk mendoj të njëjtën gjë si ata që i kanë kritikuar”.
TITULLI KAMPION – “Të dy ekipet e dinë rëndësinë nëse fitohet ky duel. Megjithatë, rezultati nuk do të jetë vendimtar sepse kemi dhe shumë ndeshje të tjera për të luajtur pas “El Clasicos”. Por, skuadra që do të fitojë nesër do të ketë një rritje të moralit për pjesën e mbetur të sezonit”.
DUELI I PARË – “Ne ishim më mirë në ndeshjen e parë, sidomos pas minutës së 30-të. VAR ndikoi tek rezultati me penalltinë e dhënë, por nuk është e vërtetë që ne ishim dobët atëherë dhe tani jemi më mirë. Normal që ekipi është përmirësuar, por duhet të luajmë ndeshjen tonë pa u ndikuar nga presionet”.
MESSI DHE MUNGESAT – “Ne kemi nevojë për Leon më të mirë për të fituar, por kemi nevojë edhe për Barcelonën më të mirë. Duhet t’i bëjmë gjërat në mënyrë perfekte. Ata nuk do të kenë Varane dhe Ramos, por edhe ne kemi mungesa. Sergi Roberto dhe Gerard Pique, kanë qenë jashtë fushave prej një kohe të gjatë”.
KRITIKAT E KLOPP MBI STADIUMIN – “Ai po përpiqet të diskritojë një klub të madh si Reali. Ata kanë zgjedhur të luajnë në “Alfredo Di Stefano” në mënyrë që të bëjnë disa punime në stadiumin e tyre. Ata janë mësuar të luajën atje dhe të njëjtën gjë duhet të bëjnë edhe kundërshtarët. Për mua nuk është një çështje e rëndësishme”, përfundon Koeman. /abcnews.al
