Ronald Koeman para nisjes së sezonit të ri u shpreh se Riqui Puig nuk do të ketë mundësi të ketë shumë hapësira dhe do të ishte më mirë të huazohej në një klub tjetër për të pasur më shumë minuta dhe fituar eksperiencë.
Dëshira e holandezit mund të plotësohet në janar. Nga Italia raportohet se Milani interesohet për shërbimet e talentit të rritur në akademinë e Barçës. Kuqezinjtë kanë hyrë në tratativa për të arritur një marrëveshje për huazimin e 21-vjeçarit.
Ky i fundit në verë këmbënguli për të qëndruar dhe luftuar për një vend në formacion dhe mbetet për tu parë nëse ka ndryshuar mendim gjatë këtyre muajve, ku është aktivizuar shumë pak. Milan ka gjithashtu në huazim Brahim Diaz nga Real Madrid dhe Diogo Dalot nga Manchester United. /abcnews.al
