Nata e dytë e Style Star nisi me energji pozitive, juri mjaft interesante, konkurentë të veshur stil dhe sfilata që na mbajtën të mbërthyer para ekranit të ABC- së.
Në mbrëmjen e dytë nuk kanë munguar as akuzat, debatet, të qeshurat dhe lotët mes 10 yjeve të Style Star. Tema për këtë javë ishte Oscar Winners ku konkurentët vunë në punë kreativitetin dhe fantazinë e tyre për të bërë një veshje sa më interesante.
Tashmë siç e dini kemi fazën e “rënies së yjeve” ose e quajtur ndryshe Star Down, nga e cila dalin tre më pak të votuarit. Këtë javë erdhi edhe eleminimi i parë. E eleminuara e mbëmjes ishte Altea ku u vlerësua shumë pak nga konkurrentët dhe juria duke e bërë të pamundur vazhdimin e garës.
“Jam shumë e lumtur që kam qenë pjesë e Style Star. Ju falenderoj të gjithëve”, tha mes lotëve Altea.
Gjithashtu kjo mbrëmje kishte dhe fituesen e saj. Vajza e cila u pëlqye më shumë si nga juria dhe si nga konkurentët ishte Kleopatra. Ajo kishte rezervuar një surprizë mjaft të bukur të cilën e gjeni dhe më poshtë në videon e postuar./abcnews.al
