Kylian Mbappe në janar do të nënshkruajë me Real Madrid një kontratë 6-vjeçare dhe ABC në Spanjë ka zbuluar edhe detajet e marrëveshjes mes lojtarit dhe klubit.
Që në momentin e nënshkrimit, kampioni i botës do të marrë 30 milion euro, ndërkohë që paga sezonale neto do të jetë 20 milion euro.
Transferimi i Mbappe te Real Madrid mendohet se do të sjellë kontrata të shumta sponsorizimi për spanjollët dhe përmes tyre thuhet se edhe paga e lojtarit do të rritet, sikurse edhe përfitimet e klubit.
Nga ana tjetër Real Madrid ka menduar edhe për klauzolën e largimit të Mbappe, që do të jetë 1 miliard euro. Të njëjtën shifër e ka pasur Cristiano Ronaldo, ndërkohë që aktualisht te Reali e kanë Benzema dhe Bale. / abcnews.al
