Kina ka shënjestruar një grup politkanësh në Westminster me një varg sulmesh kibernetike. Të hënën, zëvendëskryeministri Oliver Dowden pritet të informojë parlamentin për sulmet, sipas Sunday Times.
Ndërkohë, Sir Iain Duncan Smith, ish-ministri i Arsimit; Tim Loughton, deputet konservator; Lord Alton ish-deputet i Partisë Liberale të Parlamentit për zonën elektorale të Liverpool-it dhe Stewart McDonald, deputet i Partisë Kombëtare Skoceze, janë thirrur të marrin pjesë në një konferencë nga Alison Giles, drejtoresha e sigurisë së parlamentit.
Duncan Smith, Loughton, Alton dhe McDonald janë anëtarë të Aleancës Ndërparlamentare për Kinën (Ipac), e cila monitoron dhe shqyrton Pekinin.
Sekretari i Jashtëm David Cameron do të mbajë gjithashtu një takim të Komitetit të vitit 1922, gjatë të cilit mund të diskutohet tema e Kinës dhe e sigurisë.
Kjo besohet të jetë e lidhur me veprimtarinë e grupit të punës për mbrojtjen e demokracisë, një komitet ministror që monitoron dhe identifikon kërcënimet dhe ndërhyrjet në zgjedhjet dhe sistemin demokratik të Mbretërisë së Bashkuar.
Në një takim të Ipac të premten, Luke de Pulford, drejtori ekzekutiv i saj, tha: “Rreth një vit më parë, ministritë e jashtme belge dhe franceze konfirmuan publikisht se [shteti kinez] kishte kryer sulme kibernetike të sponsorizuara kundër anëtarëve tanë. Vendet e tjera kanë bërë të njëjtën gjë privatisht. Pekini nuk e ka fshehur dëshirën e tij për të sulmuar politikanët e huaj që guxojnë t’u rezistojnë atyre.”
Vitin e kaluar, një studiues parlamentar u arrestua mbi akuzat për spiunazh.
Chris Cash, i cili mohon akuzat, ka punuar për Grupin Kërkimor të Kinës, i cili u krijua nga ministri i sigurisë Tom Tugendhat. Ai u punësua gjithashtu si studiues nga deputetja konservatore, Alicia Kearns, e cila kryeson komitetin e përzgjedhur për punët e jashtme.
Verën e kaluar, një raport nga komiteti i inteligjencës dhe sigurisë së Commons (ISC) pretendoi se Kina po synonte “në mënyrë produktive dhe agresive” Britaninë e Madhe dhe kishte arritur “të depërtonte me sukses në çdo sektor të ekonomisë së Mbretërisë së Bashkuar”./abcnews.al
