Loading ...
Khloe Kardashian është prekur nga Covid-19 në fillim të këtij viti. 36 vjeçarja rezultoi pozitive për koronavirus disa kohë më parë, por e mbajti të fshehtë diagnozën e saj derisa u zbulua në një klip paraprak për episodin e ardhshëm të ‘Keeping Up With the Kardashians’.
“Sapo zbulova se kam korona. Kam qëndruar në dhomën time. Do të jem mirë, por për disa ditë kam qenë shumë keq”, shprehet Kardashian. Më tej ajo zbulon dhe simptomat që ka kaluar duke përfshirë të vjellat, kollitje, dridhje dhe për më tepër virusi i solli dhimbje koke të tmerrshme.
“Unë vuaj nga migrena, por kjo dhimbje e kokës ishte më e keqe. Nuk do të thosha se ishte një migrenë. Më lejoni t’ju them se kjo gjë është e vërtetë. Por të gjithë do e kalojmë. Zoti ju bekoftë të gjithëve.”, thotë Khloe. Kujtojmë që 36-vjeçarja është rikthyer sërish bashkë me Tristan Thompson, pas tradhëtisë me Jordyn Woods. xh.d/abcnews.al
