Këshilli i Sigurimit i OKB-së pritet të thërrasë një takim urgjent sonte me kërkesë të ukrainasve, thanë për “CNN” dy diplomatë të OKB-së. Kjo do të jetë një seancë e hapur ku të gjitha vendet anëtare përfshirë Rusinë dhe SHBA-në pritet të bëjnë deklarata. “Ne mbështesim thirrjen e Ukrainës për një takim urgjent të Këshillit të Sigurimit të OKB-së. Këshilli i Sigurimit duhet të kërkojë që Rusia të respektojë sovranitetin dhe integritetin territorial të Ukrainës, një shtet anëtar i OKB-së,” tha ambasadorja e SHBA-së në OKB Linda Thomas-Greenfield.
“Veprimet e Kremlinit sot janë një refuzim i përgjithshëm i marrëveshjeve të Minskut dhe një shkelje e Rezolutës 2202 (2015) të Këshillit të Sigurimit të OKB-së. Njoftimi i Rusisë nuk është gjë tjetër veçse teatër, me sa duket i krijuar për të krijuar një pretekst për një pushtim të mëtejshëm të Ukrainës,’ tha ajo.
Thomas-Greenfield tha gjithashtu se ishte “një shkelje e paprovokuar e sovranitetit dhe integritetit territorial të Ukrainës” që presidenti Putin të njihte pjesë si “shtete të pavarura” të rajonit të Donbasit. /abcnews.al
