Diego Maradona ka një këshillë për Kylian Mbappe. Legjenda argjentinase feston 60-vjetorin e lindjes ditën e premte dhe është ndalur te ylli francez i PSG-së në prononcimin e dhënë për Football France.
“Kylian është një futbollist fantastik, por është akoma shumë i ri. Është e nevojshme të luajë sa më shumë dhe të konkurrojë në kompeticione të ndryshme për t’u rritur. Ai duhet t’i kushtojë vëmendje të veçantë mbrojtësve që do të tentojnë t’i masakrojnë kaviljen.
Kjo është një temë që e njoh mirë, pasi kam pësuar shumë herë ndërhyrje të frikshme gjatë karrierës time“, deklaron Diego Maradona, trajneri i Gimnasia La Plata prej shtatorit të vitit të kaluar. /abcnews.al
