Loading ...
Selia qendrore e France Televisions në Paris u evakuua plotësisht pas një kërcënimi me bombë.
Informacioni u konfirmua në një deklaratë të publikuar nga kanali në faqen e internetit të France Info. Sipas këtij mesazhi zyrtar, “Selia qendrore e France Televisions është evakuuar”.
Shërbimet shtetërore e njoftuan kompaninë për një kërcënim me bombë, shkruan Entrevue.fr.
Policia ka mbërritur në vendngjarje për të hetuar rastin. Ndërkohë, transmetimi dhe faqja e internetit e franceinfo kanë përjetuar ndërprerje.
Ndryshe, ky është incidenti i dytë i tillë në një kanal kombëtar lajmesh në më pak se dy javë.
Më parë, BFM TV përjetoi një ndërprerje të ngjashme, afërsisht në të njëjtën kohë, kur transmetimi i tij u pezullua për gati dy orë për shkak të një kërcënimi me bombë.
