Policia e Tiranës ka vënë në pranga katër persona mes të cilëve një person i shpallur në kërkim kombëtar.
Sipas uniformave blu është bërë i mundur ndalimi i një 35 vjeçari të shpallur në kërkim për veprën penale “Vjedhja me dhunë”, e kryer në bashkëpunim”.
Gjithashtu janë arrestuar edhe 3 shoferë të cilët janë kapur duke drejtuar mjetin në gjendje të dehur.
Njoftimi i plotë:
Kapet dhe ndalohet një shtetas i shpallur në kërkim kombëtar.
Arrestohen në flagrancë dhe 3 drejtues mjetesh.
Specialistët për Hetimin në Komisariatin e Policisë Nr.3, bënë ndalimin e shtetasit R.Zh., 35 vjeç, i shpallur në kërkim për veprën penale “Vjedhja me dhunë”, e kryer në bashkëpunim”.
Nga specialistët e Qarkullimit Rrugor u bë arrestimi në flagrancë i shtetasve :
- M.P., 56 vjeç, pasi në rrugën “Urani Pano” dyshohet se duke drejtuar mjetin në gjendje të dehur ka kanosur për shkak të detyrës dhe nuk i është bindur urdhërit të punonjësit të policisë për të bërë testin e alkoolit.
- D.K., 42 vjeç dhe N.D., 52 vjeç, pasi janë kapur në flagrancë duke drejtuar mjetet në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme./abcnews.al
