Katër raste të reja me koronavirus janë konfirmuar gjatë 24 orëve te fundit në Kosovë.
Mësohet se të infektuarit janë tre gjinekologë dhe një mami që punojnë në Klinikën e Gjinekologjisë.
Lajmin e ka bërë me dije vetë drejtori i Klinikës Gjinekologjike, Jakup Ismajli. Ai ka thënë për ‘Radio Evropa e Lirë’ se 3 gjinekologë dhe një mami janë infektuar në vendin e tyre të punës.
“Po, tre gjinekologë dhe një mami kanë dalë pozitivë në testin për koronavirus. Ata janë infektuar në vendin e tyre të punës”, ka thënë Ismajli.
Kujtojmë që deri më tani në Kosovë kanë humbur jetën 12 persona, ndërsa 449 është numri i të infektuarve.
