a1Instant

Khedira-1.png
Igli Nikolli20:16 | 31/03/2020

Sami Khedira dëshiron të largohet nga Juventusi. Mesfushori gjerman ndihet për mrekulli te bardhezinjtë, por dashuria e thërret. 32-vjeçari është fejuar me Melanie Leupolz, kapitenen e skuadrës së femrave të Bayern Munchen.

26-vjeçarja, e cila aktivizohet në të njëjtin rol si Khedira dhe është pjesë e kombëtares gjermane të femrave prej vitit 2013, do të luajë me Chelsea sezonin e ardhshëm. Calciomercato raporton se lojtari i Juventusit dëshiron ta ndjekë nga pas.

Interesimi nga Premier League nuk mungon. Ëest Ham dhe Wolverhampton janë gati t’i ofrojnë një posti titullari lojtarit gjerman. Tani duhet gjetur marrëveshja me Juventusin, që pret ofertën e duhur dhe nuk dëshiron të bëhet pengesë në këtë transferim… dashurie. /abcnews.al

bin.png
Sid Orela20:15 | 31/03/2020

Kryeministri në detyrë i Kosovës, Albin Kurti, ka bërë të ditur në një konferencë për mediat se taksa ndaj produkteve serbe do të hiqet tërësisht dhe do të zëvendësohet me reciprocitet.

Kurti tha se se vendimi do të hyjë në fuqi sot para mesnatës dhe do të mbetet deri më 15 qershor kur do të bëhet një vlerësim se si ka ecur vendimi sa i përket implementimit. Më herët taksa ishte hequr vetëm për produkte të lëndës së parë që vijnë nga Serbia dhe Bosnja e Hercegovina.

Kurti tha se masa e reciprocitetit është në vijë me marrëveshjen e CEFTA’s dhe praktikat tregtare europiane.

“Sot është një ditë e veçantë, meqë Qeveria e Kosovës, po mbanë një mbledhje për një çështje shumë të rëndësishme, për batimin gradual të reciprocitetit, si parim në marrdhëniet me Serbinë. Në marrëdhëniet teegtare me Serbinë, emërtimet e përdorura në dokuemntet si në vijim, duhet të jenë në përputhje me Kushtetutën e Republikës së Kosovës dhe legjilacionit në fuqi”, tha ai gjatë konferencës.

Dn.png
Igli Nikolli19:54 | 31/03/2020

Dinamo është një nga klubet më të mëdha shqiptare. Skuadra kryeqytetase ka fituar 18 herë titullin kampion dhe 13 herë Kupën e Shqipërisë. Prej vitesh rënkon në Kategorinë e Parë, duke thyer zemrat e tifozëve të saj. Klubi është rikthyer pas në kohë dhe pa kujtuar një fitore historike në postimin e bërë në rrjetet sociale.

Faruk Sejdini kishte formuar një skuadër fantastike në sezonin 2001-2002, duke ia ka dalur të fitojë titullin kampion. Blutë u kualifikuan në Champions League dhe shorti i vuri përballë Kaunas të Lituanisë.

Kryeqytetasit zhvillonin një ndeshje të madhe 17 korrikun e vitit 2002, përmbysën avantazhin e dyfishtë të vendasve dhe realizuan fitoren e parë të një skuadre shqiptare jashtë fushë në kompeticionet europiane. Golat e fitores 2-3 u shënuan nga Julian Ahmataj, Arjan Pisha dhe Ilir Qorri. Një javë më vonë mbyllej pa gola sfida e kthimit dhe Dinamo kualifikohe më tej. /abcnews.al

Boateng-Aksident.jpg
Veronik Istrefaj19:35 | 31/03/2020

Mbrojtësi i BAyern Munchen, Jerome Boateng, është përfshirë në një aksident me makinë mëngjesin e sotëm. Gjermani ishte nisur nga Mynihu drejt Lajpcig, për të takuar djalin e tij.

Në autostradë, makina i ka dalë nga kontrolli dhe ka përfunduar mbi barrierat e sigurisë. Policia e Mynihut ka deklaruar se Boateng nuk ka asnjë dëmtim fizik, por makina e tij me vlerë 25 mijë euro, është shkatërruar.

Përveç disa problemeve brenda fushës së lojës dhe në seancat stërvitore, Boatengut i shtohen edhe problemet jashtë fushave. Gjithashtu, flitet edhe për një largim të Boateng nga Bayern në verë. Një situatë aspak e mirë për shtatlartin gjerman./abcnews.al

 

Makina e Boateng
Guardiola-Foden-Carabao-Cup.jpg
Veronik Istrefaj19:16 | 31/03/2020

Trajneri i Manchester Cityt, Pep Guardiola, konsiderohet prej shumë vitesh si strategu më i mirë në botë. Numri një i “Cityzens” është i izoluar si çdo trajner tjetër, futbollist dhe njeri i thjeshtë, në këtë kohë pandemia. Megjithatë, nuk ka ngurruar të japë një mesazh për të gjithë futbolldashësit, duke thënë dhe një batutë të bukur.

“Na mungon futbolli. Na mungon jeta që kishim disa ditë më parë. Tani thjesht duhet të dëgjojmë. Të dëgjojmë shkencëtarët, doktorët dhe infermieret.

Ju jeni familja ime e futbollit. Do të bëjmë gjithçka çfarë është e mundur për t’iu bërë juve të jeni të lumtur sërish. Do të rikthehemi më të fortë, më të mirë, më të sjellshëm… dhe ndoshta më të shëndoshë (qesh)”, tha Guardiola./abcnews.al

Handanovic-e1585673779368.png
Igli Nikolli18:58 | 31/03/2020

Ulja e rrogave të lojtarëve dhe stafeve teknike të skuadrave të ndryshme, është tema e momentit në botën e futbollit. Futbollistët e Juventusit ishin të parët në Serie A që vendosën të ndihmonin klubin me plot 90 milion euro.

Të njëjtin veprim janë gati të bëjnë edhe djemtë e Antonio Contes. Trajneri i Interit është takuar me kapitenin Handanovic dhe Ansa raporton se kanë rënë dakord të ndihmojnë klubin në këtë moment krize, duke ulur rrogat e mbetura të sezonit.

Akoma nuk janë përcaktuar detajet dhe përqindja e uljes së pagave. Kjo do të ndodhë në momentin që të merret vendimi final në lidhje me datën e rifillimit të kampionatit të këtij sezoni. /abcnews.al

Jupi-Carcani.png
Veronik Istrefaj18:43 | 31/03/2020

Ish-trajneri i Shqipërisë U-21, Redi Jupi, foli në një lidhje direkte me Skype me emisionin Studio Sprint, në ABC News. Në fjalën e tij, ish-futbollisti i njohur tha se duhet të përfundojë sezoni në Superiore me çdo kusht, edhe nëse nuk ka aspak diferencën me fillimin e sezonit të ri 2020-21.

SITUATA – “Keq, në fakt keq. Çdo ditë çohemi me shpresën që miq, njerëz, dashamirës, por dhe të panjohur, të mos jenë të prekur, por të shëruar, dhe sa më shpejt të dalim nga kjo “ëndërr e keqe”. Është me të vërtetë një situatë shumë serioze”.

EKONOMIA – “Gjithmonë e kemi pas kthyer kokën nga shteti, nga qeveria. Sporti në përgjithësi, është një sektor i ekonomisë që e ka shumë të vështirë të mbijetojë me vetë-financim. Unë nuk kam shpresa me situatën që është, që shteti do të merret me problemet që ka sporti. Mbase është moment reflektimi për të gjithë, që kur të kthehemi në normalitet, të bëjnë diçka për ne. Por shpresat që të ndërhyjnë tani, janë shumë të pakta”.

KRAHASIMET – “Nuk janë dy situata të ngjashme. Në kampionatet tjera, po flasim për situata ekonomike shumë të favorshme, ne nuk jemi në ato kushte. Të gjithë janë në gripin e mbijetesës, nuk flitet për njerëz që paguhen shumë dhe të kenë rezerva për të mbijetuar pa rrogë. Futbolli ynë ka probleme të ekzistencën momentale, jo më për të ardhmen. Në këto kushte është futbolli shqiptar, në minimumin jetik”.


SEZONI – “Unë në fakt, mendoj se sezoni duhet të përfundojë në çdo mënyrë, por pa rrezikuar jetë njerëzish. Skenari që unë kam në mendje, që është skenar optimist, është që në një periudhë të caktuar, mbase dhe pas dy muajsh, të ketë një hapje graduale të fillimit të aktivitetit. Për mua, kampionati të mbarojë, nuk ka rëndësi, të mbarojë dhe në shtator dhe të shtyhet sezoni tjetër. Por kampionati duhet të mbarojë, është bërë 75% e garës, nuk hidhet poshtë. Pushime këtë vit nuk kemi, po i bëjmë tani. Sezoni duhet të mbarojë edhe në kurriz të sezonit tjetër, pasi ne e kemi luksin. Edhe në kurriz të Europianit, pasi nuk e kemi detyrim. Kështu që duhet të bëjmë të pamundurën që të luajmë të dy sezonet dhe t’i japim një formë të pranueshme. Si ekipet që luftojnë për titull, si për Europën, si për mbijetesën dhe ata që ngjiten lart. Unë nga natyra jam ekip optimist dhe do e shikoja pak më të shpejtë rikthimin e normalitetit”.

PËRGATITJA – “Të gjitha ekipet, të gjithë lojtarët, do të duan një mini-fazë përgatitore, të paktën një periudhë 10 ditore. Por e mira është që të gjitha ekipet janë në të njëjtat kushte, nuk ka asnjë diferencë. Të gjithë do të jenë të pastërvitur, mendoj se me një periudhë 10 ditore është e mjaftueshme. Na ra në kokë kjo tani, ishte një vit i mallkuar në të gjitha aspektet, tërmeti, pandemia. Përveç problemeve që ne kemi, që jemi të sëmurë kronikë, futbolli ynë është i sëmurë kronik. Nëse shohim dritë jeshile, sezonin ta mbyllim me çdo kusht. T’i harrojmë pushimet, të bashkohen edhe sezonet. Duhet sakrifikuar edhe cilësia. Mund të mbarojë në tetor sezoni dhe sezoni tjetër të fillojë pas një jave”, tha Jupi. /abcnews.al

Neuer-Bayern.png
Igli Nikolli18:28 | 31/03/2020

Ngec rinovimi mes Bayern Munchen dhe Manuel Neuer. Kapiteni ka një kontratë me kampionët e Gjermanisë deri në verën e vitit të ardhshme. Drejtuesit i kanë ofruar një zgjatje kontrate me dy vite të tjera, pra deri në verën e vitit 2023, opsion që është refuzuar nga kapiteni.

Portieri i njohur dëshiron një kontratë deri në vitin 2025, pra deri në moshën 39-vjeçare. Nëse nuk vjen ky propozim, nuk ka marrëveshje. Daily Mail raporton se Chelsea është gati të përfitojë nga kjo situatë dhe po insiston për të bindur lojtarin gjerman.

Klubi londinez e dëshiron 34-vjeçarin për të zëvendësuar spanjollin Kepa. Chelsea po negocion këto ditë me agjentin e Neuer, që do të ishte një përforcim fantastik për trajnerin Lampard. Mungesa e rinovimit do të detyrojë bavarezët ta shesin për të nisur më pas sulmin për Ter Stegen të Barcelonës. /abcnews.al

Sterling-Ngoo.jpg
Veronik Istrefaj17:43 | 31/03/2020

Sulmuesi i Tiranës, Michael Ngoo, është një personazh shumë karizmatik, me batutat që i ka gjithmonë në majë të gjuhës dhe shumë i shkathët në deklaratat e tij. Gazmor, ironik, serioz kur duhet dhe e qeshura nuk mungon asnjëherë: Ky është Michael Ngoo në daljet e tij publike.

Sot, me kapele veshur dhe me fanellën e Miami Heats, sulmuesi anglez dha një intervistë për Fan Zone në Supersport, aty ku tha shumë gjëra interesante rreth jetës së tij aktuale, si dhe ka një premtim për futbolldashësit shqiptare, pasi në verë mund të sjellë Raheem Sterling në Shqipëri.

“Jam i stresuar, sepse izolimi ka bllokuar futbollin, të qëndrosh në shtëpi mërzitesh. Po, jam në Tiranë, kanë mbyllur aeroportet dhe nuk mund të shkoj dot në Londër. Jam më i sigurt në Shqipëri? Respekt për Shqipërinë (qesh).

Videot në Instagram? Çfarë nuk ndodh në karantinë, fillon i këndon edhe vetes tënde. Kam dëgjuar edhe shumë muzikë shqiptare, keni shumë muzikë të bukur.

Më mungon futbolli, jam i sigurt se të gjithë lojtarëve iu mungon futbolli. Jam i bindur se të gjithë lojtarët do të jenë të uritur për tu rikthyer dhe kur të ri-futemi në fushë, do të dhurojmë të gjithë spektakël. Unë personalisht, nuk kam asnjë problem, ka fituar një eksperiencë dhe nga ana psikologjike jam i fortë. Për lojtarët e rinj, është situatë e vështirë.

Me trajnerin aktual kam shumë raporte të mira. Mema, është një njeri fantastik, kishte një filozofi loje dhe ne duhet të përshtateshim. Ndërsa me Egbo, jemi më të lirshëm, më kompakt, e shikoni dhe në ndeshjet që po luanim.

 

Do të jetë një “stuhi” kur të rikthehemi në fushë, nëse Tirana e fiton titullin, gjithçka e keqe do të harrohet, me tërmetet në Shqipëri, Koronavirusin dhe çdo gjë që ka ndodhur muajt e fundit. Te Tirana ndihem shumë i rëndësishëm dhe dua gjithmonë t’i jap fitoren Tiranës. Tifozët e meritojnë, Tirana është shumë e rëndësishme për futbollin shqiptar. Më ka marrë malli për Hasanin (qesh).

Tani jemi të gjithë në shtëpi, më përpara nuk ishim të detyruar të qëndronim në shtëpi. Prandaj dilja shumë (qesh). Sapo të mbarojë izolimi, do të hidhem në avion dhe do të bërtas: Jam i lirë!

I kam thënë Sterlingut të vijë shpesh në Shqipëri, por është shumë e vështirë, pasi Manchester City luan shumë ndeshje. Edhe kur nuk është me Cityn, është me kombëtaren e Anglisë, është shumë e vështirë. Ndoshta gjatë verës do ta sjell në Shqipëri.

 

Ngoo dhe Sterling me fanellën e Liverpool

Unë nuk kam flokë, do të shkoj në Turqi dhe do të mbjell. Atëherë do t’i lyej flokët bardheblu. Përderisa kam luajtur futboll dhe më ka ecur, nuk e kam menduar të ndërroj sport. Basketbolli më pëlqen, por jam thjesht tifoz. Jam tifoz i LA Lakers, gjithmonë do të jem”, përfundoi Michael Ngoo./abcnews.al

 

Ngoo në Fan Zone
Bayern-6.jpg
Igli Nikolli17:27 | 31/03/2020

Thomas Muller është një simbol i Bayern Munchen. Sulmuesi është pjesë e klubit të zemrës prej 20 vitesh, teksa kontrata i përfundon në verën e vitit 2021. Shumë është përfoluar për një largim të tij në fund të sezonit.

Diçka që nuk do të ndodhë, pasi Bayern nuk e ka të lehtë të ndahet nga 30-vjeçari. Kicker raporton se drejtuesit e klubit kanë vendosur t’i dhurojnë një rinovim deri në vitin 2023, periudhë kur lojtari do të jetë 33 vjeç.

Muller po kalonte një formë të mirë përpara pezullimit të Bundesligës, fazën e dytë e kishte nisur shumë mirë dhe këtë sezon ka shënuar 10 gola. /abcnews.al

 

Thomas Muller


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono