a1Instant
Veronik Istrefaj18:40 | 30/03/2020
Ish-sulmuesi i Kukësit, Sindrit Guri, ka folur për Fan Zone në Supersport, aty ku ka treguar aventurën e tij në Belgjikë tek Oostende, situatën e krijuar nga Koronavirusi, si dhe foli për të ardhmen e tij, ku pranoi se do të ndryshojë ekip në verë.
“Në Belgjikë është mbyllur gjithçka. Mund të dalësh të shëtisësh ose të blesh diçka për në shtëpi. Këtu në Oostende është mirë se ka det, dhe unë dal për vrap. Shpresoj që djali im ta ketë në qejf futbollin dhe të vazhdojë këtë sport. Jemi munduar të stërvitemi sipas programit që na kanë dhënë. U munduam të stërviteshim, por më pas na erdhi policia dhe nuk na lejoi. Këtu nuk na ndalon njeri si në Shqipëri, por nuk na lë ajo ndërgjegjja.
Viti i parë këtu nuk ishte e lehtë, vitin e dytë kisha fat, që në ndeshjen e parë shënova dy gola. Shpresoj që në verë të rregullohet gjithçka dhe unë të ndryshoj në ekip. Rikthim në Shqipëri? Nuk e kam menduar, pasi kam pasur shumë oferta nga ekipe të tjera. Kurrë nuk mund të thuash kurrë, por mendoj që të provoj në Europë.
Këtu pritet të ndryshohet presidenca dhe do pres nga vera më pas do vendos. I kam parë ndeshjet në Kategorinë Superiore. Prisja që Kukësi të ishte dominues këtë vit, por Tirana është shkëputur dhe i ka dhënë bukuri kampionatit. Shpresoj të jetë një kampionat i bukur deri në fund”, tha Guri./abcnews.al
Veronik Istrefaj18:19 | 30/03/2020
Lionel Messi, ndoshta futbollisti më i mirë i të gjitha kohërave, ka dominuar futbollin vitet e fundit, me plot 6 “Topa të Artë” dhe një numër shumë të madh të trofeve të fituar me Barcelonën. Zoti i ka falur talentin dhe ne futbolldashësit, kemi shijuar çdo moment të yllit argjentinas në fushën e blertë.
Shumë thonë që rivali i tij më i madh, Cristiano Ronaldo, është bërë me punë të pandalshme, ndërsa Messi, talentin e ka të lindur. Kjo gjë, është deri diku e vërtetë, pasi që në moshë të re, fenomeni i quajtur “Pleshti”, ka qenë i pandalshëm.
“Mirror” ka publikuar një video të rrallë të Messit kur ishte 8 vjeç dhe që në këtë moshë të re, shihet qartë talenti i tij, duke turpëruar çdo moshatar që i del para. Një fenomen i lindur!/abcnews.al
An 8 year old Lionel Messi sitting kids down left right and centre 🐐 pic.twitter.com/IYcktqyhqk
— Mirror Football (@MirrorFootball) March 30, 2020
Klejdi Kaimi17:58 | 30/03/2020
Skudra e Milanit ka disa sezone që vuan si për rezultate pozitive si për një goleador në sulm. Madje shumë tifozë fajësojnë fanellën me numrin 9, që cilësohet edhe si mallkim nga ata. Por këto zëra i ka hedhur poshtë pikërisht ai që e “la” këtë mallkim, Pippo Inzaghi.
“Më vjen të qesh sa herë e dëgjoj diçka të tillë. Të veshësh fanellën me numrin 9 të Milanit nuk është e lehtë për asnjë, por nuk ekziston një mallkim. Nëse Ibrahimovic e vesh atë numër, atëherë ky mallkim merr fund menjëherë”, deklaron trajneri i Beneventos për “Sky Sport Italia”.
“Është njësoj sikur të deklaroja dhe unë për Van Basten dhe Weah. Nuk mendoj se ai numër duhet të tërhiqet, për sa kohë nuk u tërhoq për Markon. Është e rëndësishme që ajo fanellën të vishet sërish dhe të shënojë sa më shumë gola”, vazhdon Pippo.
“Lojtari më i mirë Italian? Pa dyshim Ciro Immobile. Ai e ka treguar se kush është vitet e fundit me golat dhe paraqitjet e tij. Nuk më pëlqen të bëj krahasime, por ai është sulmuesi i duhur për kombëtaren italiane”, tregon italiani.
“Vëllai im? Po zhvillon një sezon të mrekullueshëm te Lazio. Ai është një trajner modern. E ka treguar se është një lider i vërtetë dhe e meriton titullin kampion këtë sezon”, përfundon Inzaghi. /abcnews.al
Veronik Istrefaj17:41 | 30/03/2020
Jurgen Klinsmann ka një rekord unik në Premier League, gjatë kohës kur luante për skuadrën e Tottenham. Me ekipin londinez, në maj të 1998-ës, Klinsmann mposhti i vetëm ekipin e Wimbledon.
“Gjelat” e Londrës fituan me rezultatin 6-2 dhe në të gjashtë golat, kishte meritë ish-sulmuesi gjerman. Plot 4 gola dhe dy asiste, duke u bërë lojtari i parë dhe i vetëm në historinë e Premier League që bëhet protagonist në 6 gola në një takim. Fantastik!/abcnews.al
6 – In Spurs’ 6-2 win over Wimbledon in May 1998, Jürgen Klinsmann became the first player to be directly involved in six goals in a Premier League game, scoring four times and assisting the other two. Plentiful. #OptaPLSeasons pic.twitter.com/C6wvVgpKa5
— OptaJoe (@OptaJoe) March 30, 2020
Klejdi Kaimi17:20 | 30/03/2020
Ndërkohë që Coronavirusi po godet tashmë dhe Britaninë e Madhe, mesfushori i Aston Villa, Jack Grealish, ka vendosur të mos i zbatojë rregullat. Anglezi përveç se nuk qëndroi në shtëpi, u përfshi dhe në një aksident automobilistik.
Policia ka publikuar pamjet e makinës së mesfushorit, e cila duket qartë se ka disa dëme. Ai akuzohet se ka përplasur dy makina të cilat kanë qenë të parkuara. Ende nuk ka një reagim të klubit, sikurse as nga Grealish.
Vetëm 24 orë përpara aksidentit, ai publikoi një video në rrjetet e tij sociale, ku jepte mesazhin e tij rreth situatës. Grealish kërkonte që të gjithë të qëndrojnë në shtëpi, pasi kjo është mënyra e vetme për ta luftuar Coronavirusin. I pari që nuk e bëri ishte ai vetë, madje shkaktoi dhe një aksident. Në ditët në vijim pritet dhe zbardhja e plotë e ngjarjes. /abcnews.al
⚠️ El Daily Mail sitúa a Jack Grealish, capitán del Aston Villa, en medio de un accidente de coche tras una fiesta pese a la cuarentena por coronavirus https://t.co/Mu9WmwyPm0 pic.twitter.com/KeLw8ikQLJ
— Mundo Deportivo (desde 🏠) (@mundodeportivo) March 30, 2020
Klejdi Kaimi16:59 | 30/03/2020
Coronavirusi ka gjunjëzuar botën dhe zgjidhja më e mirë për t’u mbrojtur është izolimi në shtëpi. Këtë gjë po bën dhe portieri i Barcelonës, Marc-Andre Ter Stegen. Gjermani tregon për “Goal” rutinën e tij në shtëpi si dhe çfarë i mungon më shumë.
“Nuk jam një fans i madh i dietave. Përpiqem që të gjej balancën e duhur. Çdo njeri e di se çfarë është e shëndetshme dhe çfarë jo. Duhet të mbajmë një balancë, por duhet pasur gjithmonë kujdes me sheqerin”, shpjegon gardiani.
“Gjëja që më mungon më shumë është që të jem në fushë me shokët e mi dhe të luajmë në prani të tifozëve. Po kujdesem për fizikun tim dhe këto ditë po punoj me një aplikacioni fitnesi. Në këto situata gjithmonë duhet parë ana pozitive, që është qëndrimi në shtëpi me familjen”, mbyll Ter Stegen. /abcnews.al
Veronik Istrefaj16:38 | 30/03/2020
Sulmuesi i Partizanit, Jasir Asani, i huazuar tek AIK në Suedi, ka folur për Fan Zone në Supersport. Nga Suedia, Asani tregoi se nuk ka asnjë bllokim nga Koronavirus dhe stërvitja e jeta e përditshme, vazhdojmë normalisht.
“Sapo kam ardhur nga stërvitja, këtu nga Koronavirusi të gjithë janë të lirë, nuk është bllokuar asgjë. Në shtetet e tjera, është bërë shumë problem, por këtu është shumë ndryshe nga shtetet tjera. Tani për tani, ekipet e futbollit nuk bëjnë stërvitje, por të mërkurën do të rifillojmë ne të AIK-ut stërvitjen. Na lajmëroi klubi sot.
Ka një ndryshim shumë të madh këtu në Suedi, kampionati është shumë i fortë. Ndeshjet e para e kisha pak të vështirë, por në ndeshjet e Kupës, pastaj më pranuan shumë mirë, të gjithë lojtarët. Kisha qëllim të shënoja edhe në miqësore, edhe në ndeshjen e Kupës dhe ia dola.
Unë flas me të gjithë lojtarët e Partizanit. Në Instagram nuk futem më (qesh). Flas me të gjithë çunat, pak më shumë flas me Alban Hoxhën. Kemi pasur një shoqëri shumë të ngushtë dhe flasim për gjendjen e Partizanit.
Partizani kishte shumë lojtarë që ishin titullarë me Gegën dhe largimi i disa prej tyre ka ndikuar. Lojtarët e rinj që erdhën, nuk mund të ambientoheshin menjëherë, pasi Partizani është një klub i madh. Mendoj se Partizani ka ende shanse për të dalë kampion. Besoj se do t’ia dalin.
Unë e kam thënë që i vogël, kam qenë te moshat e Maqedonisë. Pastaj ofertën e Shqipërisë e pranova me shumë qejf. Për momentin, po pres. Dua të rifillojë kampionati, të luaj për AIK, pastaj cila kombëtare të më thërrasë, do ta mendoj mirë. Besoj se do të zgjedhë Shqipërinë në rast se më thirrin, pasi kam luajtur 3 vite në Shqipëri dhe më kanë pritur shumë mirë”, përfundoi Asani./abcnews.al
Veronik Istrefaj16:17 | 30/03/2020
Sulmuesi i Kukësit, Vasil Shkurtaj, vendosi të shkojë në Spanjë për të kryer terapi, por për fat të keq, Koronavirus u përhap kudo dhe fluturimet u anuluan. Shkurtaj ka mbetur i bllokuar në Spanjë dhe për Fan Zone në Supersport, tha:
“Nuk mund të kthehesha dot, prandaj mora vendimin të vij në Spanjë dhe të bëj këtu terapinë. Po bëj terapi normale, pastaj u bllokuan të gjitha. Preva biletë për tu kthyer, por u anuluan të gjitha fluturimet. Në këto momente, kam ngelur këtu.
Para tri ditësh, kisha dalë për vrap, kisha dalë vonë natën pas orës 11. Më ndaloi policia dhe më falën vetëm se isha i huaj, por nuk më falin më. Mund edhe të më burgosnin.
Rikuperimi? Po përpiqem të bëj më të mirë, duke bërë ushtrime në shtëpi në komunikim me doktorin. Unë duhet të bëj vrap, gjë që është e pamundur. Përpiqem që të bëj ushtrime në shtëpi. Kam folur edhe me presidentin e Kukësit, edhe me lojtarët kam folur thuajse çdo ditë.
Shëndeti është parimor, futbolli shpresoj të rikthehet sa më shpejt. Por shëndeti është kryesori. Diferenca me Tiranën? Ne kemi shumë besim, mund të rikuperojmë pikë. Patjetër që dua të dal edhe golashënues, është një ccmim individual që dua ta fitoj. Por më shumë dua kampionatin me ekipin”, tha Shkurtaj./abcnews.al
Igli Nikolli15:34 | 30/03/2020
Pep Guardiola i ka premtuar besnikëri Manchester Cityt, por konfirmimi i pezullimit nga Champions League mund të ndikojë në largimin e trajnerit spanjoll. Kampionët në fuqi të Anglisë nuk duan të mbeten të papërgatitur dhe kanë piketuar pasuesin e tij.
The Athletic raporton se i preferuari është Patrick Vieira, aktualisht trajner i Nice në Francë. 43-vjeçari luajti gjatë sezonit 2010-2011 me “Cityzens” dhe vlerësohet nga drejtuesit e klubit për aftësitë taktike dhe personalitetin e fortë.
Francezi cilësohet si zëvendësuesi perfekt i Pep Guardiolës, nëse katalanasi vendos të largohet dhe të nisë një tjetër aventurë në karrierën e tij. /abcnews.al
Igli Nikolli15:15 | 30/03/2020
Serge Gnabry po fluturon te Bayern Munchen dhe është kthyer në një nga lojtarët më të rëndësishëm të kampionëve të Gjermanisë. 24-vjeçari u bë pjesë e Arsenal në moshën 17-vjeçare. Konkurrenca ishte e madhe dhe pas disa huazimeve vendosi të largohet.
Te Gunners luante edhe Lukas Podolski. Të dy lojtarët gjermanë kishin një miqësi të madhe me njëri-tjetrin. 34-vjeçari i Antalyaspor flet për Gnabry në një prononcim për FourFourTwo, aty ku nuk i kursen elozhet dhe batutat.
“Gnabry ishte i pafat dhe pësoi disa dëmtime. Ai paraqitej mirë në stërvitje. Kalonim shumë kohë bashkë jashtë fushave dhe dilnim për darkë. Por futbolli kështu është ndonjëherë, duhet të gjesh një trajner që ka besim tek ti.
Serge godet me të dy këmbët, është i shpejtë dhe i fuqishëm. Pak a shumë si unë, thjesht nuk e kam këmbën e djathtë si ai. Jam shumë i kënaqur që po shëlqen me Bayern Munchen”, deklaron Podolski. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
18:40 | 30/03/2020
