Aktualitet

sdw.jpg
Sid Orela18:11 | 29/03/2020

Vazhdon bilanci tragjik në Itali. Vetëm gjatë 24 orëve të fundit, kanë ndërruar jetë si pasojë e koronavirusit 756 persona. Kështu numri total i viktimave shkon në 10,779

Vetëm gjatë ditës së sotme vendi ka regjistruar 5,217 raste të reja me koronavirus. Ndërsa, numri i të prekurve në total shkon në 97, 689.

Numri i personave që janë shëruar është 646. Italia vazhdon të mbetet shteti më i prekur nga koronavirusi në Evropë. Vendin e dyte e mban Spanja me 78,799 raste të konfirmuara dhe 6,606 viktima si pasojë e Covid-19. /abcnews.al

tirana-e-zbrazet.gif
ger ta18:04 | 29/03/2020

Një tjetër fundjavë e zbrazët. Gjithçka është e kyçur në kryeqytet, marketet, fruta perimet,  furrat e bukës , dhe farmacitë, të gjithë kanë zbatuar rregullin.Tirana tashmë ka marrë hijen e një qyteti të braktisur.

Qeveria ka vendosur masa  izoluese për qytetarët për të parandaluar përhapjen masive të COVID-19. Në rrugicat e brendshme te lagjeve, ka ende disa qytetare të cilët nuk janë bindur shtetrrethimit.

 

Izolimi në shtëpi për pjesën më të madhe të njerëzve, funksionon.  Disa preferojnë të marrin rrezet e diellit  në dritare apo ballkon.

Por ka edhe nga ata që shkelin rregullat për të hedhur plehrat apo për tu kujdesur për qenin në këtë kohë me diell.

“Është e vështirë sepse ai ka nevojë të dalë”.

Ndërsa kjo infermiere  me hap të shpejtë i drejtohet shtëpisë pas punës , për tu kujdesur për familjen.

Të vetmet shërbime që lejohen janë pica taksi, te cilat i japin pak gumëzhinë rrugës.

Apo shërbimet e agjencive funerale  që edha ata thonë se ceremonitë kryhen  vetëm  me 4 persona

“Vazhdojnë me një ose dy makina dhe me 4 ose 5 persona. Shumë e vështirë është se këto organizime nuk bëhen pa miqësi”.

Edhe për këta punonjëse te pastrimit, të një firme private e kontraktuar nga Bashkia e Tiranës  nuk ka ditë pushimi. Ata kujdesen për të mbajtur  pastër ambientin në këto kohë pandemie. Pjesa më e madhe e tyre janë pa maska e mjete mbrojtëse ndaj virusit, frika për to është e madhe

Ata ankohen edhe për pagat e ulëta te cilat nuk u dalin për të mbajtur frymën

“Të paktën të na ngrenë rrogat, unë jam me 7 kalamaj. Punojmë 8 orë. Rrogën e kemi 200 mijë lekë. Unë 120 paguaj shtëpinë, edhe drita e ujë”, thotë punonjësja.

Rregulli i izolimit është zbatuar edhe nga të gjithë komunitetet ne vend , kisha e xhami i kanë dyert e mbyllura , heshtja thyhet nga tingujt e kambanës së katedrales , e cila  lë shteg shprese për ditë më të mira. /abcnews.al

policiaa.jpg
Sid Orela18:00 | 29/03/2020

Dy persona janë venë në pranga në operacionin e policisë në Kavajë, të cilët ishin shpallur në kërkim, të dy me masë sigurie “Arrest në burg”.

Në pranga është vënë 28-vjeçari Erlis Leçini si bashkautori i vjedhjes së banesës me dhunë në fshatin Rrakull dhe i katër vjedhjeve të tjera me thyerje. Një muaj më parë u arrestua edhe autori tjetër i këtyre vjedhjeve.

Po gjatë operacionit, kapet dhe vihet në pranga 41-vjeçari Klodian Kaçaj, i dënuar më parë për vjedhje dhe aktualisht me masë sigurie “Arrest në burg”, i dyshuar si autor i 7 vjedhjeve me thyerje.

Njoftimi:

Policia e Kavajës, në vijim të punës për parandalimin e vjedhjeve, zbardhjen e atyre të ndodhura më parë, kapjen dhe vënien para drejtësisë të autorëve, nën drejtimin e Prokurorisë së Rrethit Gjyqësor Kavajë, ka organizuar dhe finalizuar operacionin policor të koduar “Rrakulli”, në kuadër të të cilit u bë kapja e dy personave të shpallur në kërkim, konkretisht:

E. L., 28 vjeç, banues në Kavajë, pasi Gjykata e Rrethit Gjyqësor Kavajë i kishte caktuar masën e sigurimit “Arrest në burg”, për veprën penale ”Vjedhja me dhunë”, pasi ky shtetas, në bashkëpunim me shtetasin K. L., 34 vjeç, banues në Kavajë, arrestuar më datë 22.02.2020 (dhe aktualisht është me masë sigurimi “Arrest në burg), në lagjjen nr. 4 Kavajë, më datë 21.02.2020, kanë tentuar të vjedhin me dhunë, duke goditur me sende të forta në kokë shtetasin Xh. L., 81 vjeç.

Nga veprimet hetimore të kryera, ka rezultuar se të dy këta shtetas janë autorë edhe të katër rasteve të tjera të vjedhjes me thyerje, konkretisht: Më datë 03.03.2020 kanë vjedhur banesën e shtetasit S. Xh.; më datë 04.03.2020, gjatë natës, në autostradën Durrës-Rrogozhinë, kanë tentuar të vjedhin në godinën e një firme private; më datë 08.03.2020, ora 02:00, kanë vjedhur me thyerje në banesën e shtetasit N. D., banues në Rrogozhinë dhe më datë 19.03.2020, në lagjjen nr. 5, Kavajë, kanë vjedhur me thyerje në banesën e shtetasit L. K.

Po gjatë operacionit u bë kapja dhe ndalimi i shtetasit tjetër në kërkim K. K., 41 vjeç, banues në Kavajë, i dënuar më parë për vjedhje, pasi për këtë shtetas, Gjykata e Shkallës së Parë Kavajë kishte caktuar masën e sigurisë “Arrest në burg, në mungesë”, për veprën penale “Vjedhja”, pasi ky shtetas ka tentuar të vjedhë me thyerje në banesën e shtetasit M. Rr., në fshatin Rrakull, Kavajë.

Nga veprimet e shpejta hetimore dhe profesionale të kryera nga specialistët për Hetimin e Krimit në Komisariatin e Policisë Kavajë, u bë e mundur zbardhja edhe e 7 rasteve të tjera të vjedhjes së banesave të dyshuara se janë kryer nga ky shtetas, konkretisht:

Më datë 09.02.2020, gjatë orëve të natës kanë tentuar të vjedhin me thyerje në banesën e shtetasit I. U., banues në Kavajë; më datë 23.02.2020, kanë vjedhur me thyerje në banesën e shtetasit I. K., banues në Kavajë; më datë 29.02.2020, gjatë natës është vjedhur pa thyerje, banesa e shtetasit Q. D., banues në Kavajë; më datë 03.03.2020 kanë vjedhur me thyerje në banesën e shtetasit I. Ç., banues në fshatin Vorrozen; më datë 09.03.2020 kanë tentuar të vjedhin me thyerje në banesën e shtetasit K. J.; më datë 11.03.2020 kanë vjedhur me thyerje në banesën e shtetasit Z. L.; më datë 14.03.2020, gjatë natës, në fshatin Synej, kanë vjedhur me thyerje në banesën e shtetasit I. M.

Gjate operacionit janë gjetur dhe sekuestruar në cilësinë e provës materiale disa nga sendet e vjedhura në këto banesa.

Materialet iu referuan Prokurorisë së Rrethit Gjyqësor Kavajë, për veprime të mëtejshme.

greece-3.jpg
Sid Orela17:44 | 29/03/2020

Edhe 6 persona të tjerë kanë ndërruar jetë si pasojë e koronavirusit në Greqi duke bërë që numri total i viktimave në total të shkojë në 38. Lajmin e ka bërë të ditur zëdhënësi i Ministrisë së Shëndetësisë në vendin fqinj, Sotiris Tsiodras.

Sipas asaj që Tsiodras deklaroi, vendi ka konfirmuar 95 raste të reja me Covid-19 duke bërë që numri i përgjithshëm i të infektuarve të shkojë në 1,156.

Raportohet gjithashtu se shumica e rasteve të regjistruara së fundmi janë në Atika. Nga personat e sëmurë, 69 ndodhen të intubuar në njësitë e kujdesit intensiv. /abcnews.al

mjeku-shqiptar-ne-itali.gif
ger ta17:39 | 29/03/2020

Në një lidhje për Abc News nga Novara e Italisë, mjeku shqiptar Taned Demaj foli për situatën që po kalon vendi fqinj nga Covid-19.

Demaj është mjek urgjence, i cili shkon dhe merr pacientët e sëmurë në banesa.  Për këtë ai tregoi edhe anën më të trishtë të kësaj historie. Demaj tha se shumë prej pacientëve që ata marrin me auto-ambulancë nuk kthehen më në shtëpi, pasi koronavirusi u merr jetën.

Kjo sëmundje i detyron shumë njerëz të vdesin të vetëm në spitale, ndërkohë siç thotë mjeku, tashmë njerëzit janë koshientë dhe përshëndeten me familjarët e tyre sikur të ishte hera e fundit, kur i merr stafi mjekësor.

I pyetur nga Mirela Milori, se përse Italia arriti gati në këto shifra lufte, Demaj tha se janë dy faktorë që ndikuan: mosha e madhe e popullsisë, por edhe se ishin të papërgatitur.

Intervista e plotë:

Mirela Milori: Jeni në atë personel që pais merrni telefonatë, shkoni në shtëpi. Më thoni pak me çfarë ritmesh po ecën urgjenca në këto ditë?

Taned Demaj: Këto kohët e fundit ka pasur një lehtësim të lehtë. Sikur ka një ulje të lehtë të personave që janë të sëmurë. Sikur ajo karantina këto ditë po jep efektet e veta. Tani kemi edhe faktin që disa prej tyre po shërohen dhe po dalin nga spitali dhe po lirojnë vendet.

Mirela Milori: Njerëzit që marrin në telefon urgjencën janë më tepër të ngarukaur psikologjikisht, mund të jenë edhe thirrje që ju duken simptomat shumë të rënda apo janë edhe me patologji të tjera. Cila është përqindja më e lartë?

Taned Demaj: Përqindja në Novara, që ka 4 provinca brenda ka pasur gati 500 telefonata në ditë. Është kërkuar që edhe personeli të rritet. Janë 3 mjekë që merren me telefonatat, ka dis aprej tyre që presin disa orë se është e pamundur. Puna është e lodhshme, operatorët janë shumë të lodhur. Disa prej tyre kanë edhe probleme, se shumë mjekë të familjes janë sëmurur, dhe marrin urgjencën.Dhe ne shpeshherë shkojmë në shtëpi dhe bëjmë vizitat, nës eka nevojë të hospitalizohet e cojmë në spital.

Mirela Milori: Si është situata me koronavirusin në spitalin ku punoni?

Taned Demaj: Neve punojmë në një rrjetet spitalesh, lëvizim nga një qendër në tjetrën. Shumë prej spitaleve kanë pasur mbingarkim.

Mirela Milori: Ju jeni në vijën e parë. Ka mjekë të personelit tuaj që janë prekur?

Taned Demaj: Në zonën time janë më të prekur mjekët e familjes se ata kanë pasur më pak mbrojtje. Në fillim personat nuk tregonin. Ne kemi mbrojtje dhe arrijmë të mbrohemi.

Mirela Milori: Sa kohë ke që punon në këtë spital?

Taned Demaj: Unë kam 10 vjet që punoj në Itali. Kam qenë tërë kohës në territoir dhe 6 vjet që jam në urgjencë.

Mirela Milori: Ke parë ndonjë situatë të ngjashme?

Taned Demaj: Absolutisht jo. Edhe kur kanë qenë ato kohërat, kur parvjet gripi kishte një problem, por jo në të këtë nivel. Është hera e parë që na ka përulur kjo sëmundje dhe na ka pezmatuar goxha nga ana psikologjike.

Mirela Milori: Ju merrni njerëzit nga shtëpitë i sillnin në spital dhe nuk e ndiqni dot deri në fund ecurinë e tyre. Ka raste që ke marrë një njeri nga shtëpia e ke sjellë në spital dhe ata më tej kanë humbur jetën nga koronavirusi. Ka raste?

Taned Demaj: Shumë. Është gjeja më e trishtueshme e punës sonë se tani njerëzit kanë marrë koshiencë kur ti shkon  në shtëpinë  e tyre dhe merr të afërmin e tyre ata përshëndeten sepse nuk e di si do përfundojë. Gjëja më e trishtë është se personat vdesin vetëm. Ti shkon në shtëpi i merr dhe familjarët te pragu i shtëpisë sikur është lamtumirë. Kemi pasur edhe shumë që mundohemi ti trajtojmë në shtëpi.

Mirela Milori: Lajmet qarkullojnë dhe ka pasur ditë të rënda Italia, shifra lufte. Ti je pjesëtar i personelit mjekësor, si ka mundësi që ra në këtë kolaps? Cfarë faktorësh ndikuan në këtë ekuacion të keq?

Taned Demaj: Ka disa faktorë. Të parët është se moshat në Itali janë të larta dhe janë më të brishtë dhe kanë shumë patologji. Kjo ka qenë pjesa më e madhe. Gjëja e tjetër është se nuk ishim bërë gati për një emergjencë të tillë. Nuk kishim vende. Nuk ishim përgatitur nga ana e shtretërve. Ka pasur mangësi edhe në personel.

Mirela Milori: U duk sikur kaloi një pikë dhe u kthye përsëri më ashpër. Mendoni se do të vijë me valë përsëri infektimi në zonën tuaj. Si e parashikoni ju?

Taned Demaj: Grafiku ka një ulje por ka edhe momente që janë të ngritura.  Por do të shkojmë drejt uljes.

/abcnews.al

 

thai-king.jpg
Sid Orela17:34 | 29/03/2020

Mbreti i Tajlandës Maha Vajiralongkorn është vetë-izoluar në një hotel luksoz në Alpe me qëllim që të jetë i sigurt nga koronavirusi. Mbreti, i cili njihet gjithashtu edhe si Rama X, thuhet të ketë prenotuar të gjithë hotelin Sonnenbichl,  për vete dhe haremin e tij prej 20 grash.

Hoteli me katër yje në Garmisch-Partenkirchen, Gjermani ka marrë “leje speciale” nga këshilli i rrethit për t’i strehuar sepse “të ftuarit janë një grup i vetëm, homogjen i njerëzve pa luhatje”, thuhet raportimet e mediave, shkruan abcnews.al

Thuhet gjithashtu se 119 anëtarë të stafit të tij janë dërguar në Tajlandë pasi dyshohet që mund të jenë të sëmurë me COVID-19.

Gjithsesi, izolimin e mbretit me 20 gra nuk e kanë marrë edhe aq mirë qytetarët e vendit të tij. Me mijëra tajlandëzë u janë drejtuar mediave sociale për të kritikuar mbretin, duke thyer ligjin sipas të cilit kush fyen apo kritikon madhërinë e tij mund të përfundojë në burg për 15 vite. /abcnews.al/

merlin_169905456_c2bf98c3-c590-454e-94f2-f7d4dbba93dd-articleLarge.jpg
Sid Orela17:09 | 29/03/2020

Një djalë 14-vjeçar nga Portugalia besohet të jetë një nga personat më të rinj në moshë që kanë ndërruar jetë si pasojë e koronavirusit në Evorpë. Adoleshenti nga Ovari, raportohet të ketë ndërruar jetë në orët e para të së dielës pasi u dërgua me urgjencë në spitalin Sao Sebastiao.

Thuhet se 14-vjeçar vuante nga psoriaza, por veç kësaj nuk ka pasur probleme të tjera madhore shëndeti. Lajmi për vdekjen e tij vjen shumë pak ditë pasi një 16-vjeçare franceze që quhej Julie Alliot ndërroi jetë si pasojë e koronavirusit, shkruan abcnews.al

Edhe adoleshentja franceze nuk kishte pasur probleme të mëparshme shëndetësore. Si fillim ajo kishte pasur vetëm një kollë të lehtë dhe më pas gjendja e saj u përkeqësua.

Nuk dihet ende identiteti i adoleshentit portugez, ndërsa mediat raportojnë se mjekët vendosin të mos ta transferonin tek një spital pediatrik pasi ndodhej në gjendje të rëndë dhe nuk e dinin nëse mund ta përballonte udhëtimin.

Përpara këtij rasti tragjik, Alliot ishte viktima më e re në moshë nga koronavirusi në Evropë. /abcnews.al

WhatsApp-Image-2020-03-29-at-16.37.43.jpeg
Sid Orela16:41 | 29/03/2020

Për t’u ardhur në ndihmë mjekëve në Itali, Shqipëria vendoi të dërgojë 30 mjekë në Bergamo, aty ku është edhe zona më e goditur nga koronavirusi. Pas këtij vendimi të Shqipërisë ka reaguar edhe ish zv/kryeministri italian, Mateo Salvini.

Në reagimin e tij, Salvini thotë se Italia nuk do ta harrrojë këtë gjest të Shqipërisë dhe se e ka telefonuar kryeministrin Rama për ta falënderuar personalisht.

Me anë të një postimi në Twitter, Salvini thotë se më dërgimin e mjekëve, Shqipëria ka treguar ndjeshmëri dhe zemërgjerësi “që ne nuk do ta harrojmë.”

Bashkë me videon që tregon momentin e mbërritjes së mjekëve shqiptarë në Itali, ai shkruan:

“Telefonova kryeministrin shqiptar, Edi Rama, për ta falënderuar për këtë gjest të mrekullueshëm dashurie për Italinë. Faleminderit popullit shqiptar dhe qeverisë së tyre: duke dërguar mjekë dhe infermierë ata kanë treguar ndjeshmëri dhe zemërgjerësi që ne nuk do t’i harrojmë.”

holandezja.gif
ger ta16:24 | 29/03/2020

Merel Reckman është banorja më e re e fshatit Fishtë në Lezhë. S’kishte menduar kurrë që prej mbylljes së kufijve mund të mbetej në një fshat dhe të shndërrohej në fermere. E ardhur nga Holanda për turizëm në Shqipëri, Merel dhe miku i saj u detyruan të qëndrojne në Fishtë dhe nuk e di as kur do të kthehet në shtëpinë e saj.

Ne ishim në një udhëtim. Ishim në Greqi dhe në disa shtete të tjera. Erdhëm këtu për tu kthyer në shtëpi më pas. Ishim gati në kthim kur mësuam se kufijtë ishin mbyllur për shkak të koronavirusit dhe nuk mund të iknim”, shprehet ajo.

Ndryshe nga Merel, bashkëudhëtari i saj nuk do të jetë pjesë e kamerës. Ata janë strehuar në një fermë agroturizmi dhe Merel është bërë bashkëpunëtore e tyre. Ajo punon në fermë dhe sipas saj kjo është një mënyrë për të hequr edhe mërzinë.

Po ndihmonim këtu në fermë dhe u bëmë pis. Pronari na tha mund të shkoni në hotel. Që nga ajo ditë ne jemi vendosur aty.

Merel nuk e di se kur do të kthehet dhe tashmë ka harruar edhe se çfarë dite është pasi për të është e rëndësishme që të aktivizohet sepse ndryshe do të ngarkohej psikologjikisht. Komunikon shpesh me të afërmit dhe miqtë që e pyesin se ku ndodhet. Merel u tregon se ndihet e sigurt në Fishtë dhe ata e këshillojnë të qëndrojë në vendin tonë.

“Nuk e di për  sa kohë do jemi këtu. Pasi jemi në kohë të vështirë. Kam harruar çfarë dite është, por nuk ka rëndësi, është e hënë apo e premte. E rëndësishme është që ne jemi ketu dhe ndihemi shumë mirë. Mundohemi të ndihmojmë në fermë. Kjo gjë më bën të lumtur. Nëse nuk jap kontributin tim, mërzitem. Është shumë e këndshme që mund të qëndrojmë këtu. Miqtë na kanë thënë qëndroni atje, mos u ktheni në Holandë”.

Ndonjëherë ka edhe frikë se çfarë po ndodh.

“Jam e mërzitur. Por është më shumë frikë, pasi nuk e di çfarë do të ndodhë me botën. Ky është një vend shumë i mirë. Shpresoj që restoranti të hapet së shpejti. Jam e mërzitur për të gjithë botën.

Per t’u ndjerë mirë ajo mundohet të mbajë sa më kontakt me kafshët, vendasit qëka filluar t’i ndjejë të afërm dhe të familjarët e saj në Holande. Merel shprehet se do të vijojë të ndihmojë sa të mundet në fermë dhe me hapjen e kufijve do të largohet në vendin e saj. Por kjo eshte nje kohe pa afat dhe ajo po bën durim”, shprehet ajo.

spain-1-1280x720.jpg
Sid Orela16:22 | 29/03/2020

Autoritetet  spanjolle kanë njoftuar se të pakëtn 838 persona të tejrë kanë ndërruar jetë si pasojë e kronavirusit në vend. Me numrin e madh të personave që kanë ndërruar jetë vetëm gjatë 24 orëve të fundit, bilanci total i viktimave në vend rritet në 6,528.

Ministria e Shëndetësisë në vend njoftoi gjithashtu se janë konfirmuar edhe 6,500 raste të reja me Covid-19 duke e çuar numrin e përgjithshëm të të infektuarve në 78,797, shkruan abcnews.al

Kryeministri i vendit Pedro Sanchez njoftoi masat e mëtejshme shtrënguese për të mbajtur nën kontroll epideminë. Ashtu si në shumë vende të botës, edhe në Spanjë tashmë shumica e punëve do të bëhen nga shtëpi për dy javët në vazhdim.

Sanchez u shpreh:

“Ky vendim do të na lejojë që të reduktojmë numrin e personave të infektuar në një mënyrë më eficente.”

Kryeministri spanjoll kërkoi gjithashtu nga Bashkimi Evropian që të formohet një “ strategji e përbashkët ekonomike dhe sociale”, në mënyrë që t’u vijë në ndihëm vendeve për t’u përballur me krizën. /abcnews.al/


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono