Aktualitet
eri Ida12:04 | 29/03/2020
Dy emigrantë shqiptarë kanë hyrë në vendin tonë një ditë më parë përmes përmes pikës kufitare të Kakavijës me shenja serioze te COVID-19 kanë rezultuar negativë ndaj testit të koronavirusit.
Njesinë Vendore të Kujdesit Shëndetësor dhe Inspektoriatin Shtetëror Shendetësor inspektoret e të cilëve janë të stacionuar në Kakavijë, u vendosën në alarm për shkak të emigrantëve R.S. dhe A.S 60 dhe 30 vjeç at e bir sapo hynë në territorin shqiptar, kishin shenja dyshuese të virusit të rrezikshëm dhe menjëherë i’u nënshtruan kontrollit rutinor nga inspektoret e stacionuar në Kakavijë.
Burime për Abc News bëjnë me dije se 30 vjeçari kishte kolle, dhe temperature trupore 38 grade. Ne këto kushte, ata janë karantinuar deri në marrjen e tamponeve me kampionet e sekrecioneve në hundë e gojë. Menjeherë tamponet jane nisur drejt kryeqytetit dhe në orët e para te mengjesit te sotem, pergjigja nga laboratori qendror ne Tirane ka rezultuar negative duke hequr cdo dyshim te prekshem per Coronavirus.
Dy emigrantët ndërkaq janë lënë te lire te udhetojnë drejt Beratit.Deri tani fatmirësisht në qarkun e Gjirokastrës nuk ka asnjë person të konfirmuar me COVID 19 , ndërsa numri i personave të dyshuar deri më tani që kanë kryer analizat është 10./abcnews.al
eri Ida11:43 | 29/03/2020
Eksperti i Ekonomisë, Dritan Shano, është shprehur se koronavirusi në botë mund të ketë gjysëm viti që është përhapur dhe pse kohët e fundit është vënë re.
Shano përmes një postimi në rrjetin social Facebook shkruan se numri i njerëzve të prekur-të shëruar prej tij në botë eshtë 100 herë më i lartë nga numrat që raportohen.
Ndër të tjera ai shkruan se është i ndërgjegjshëm për rolin e mjekësisë në përballjen me viruset, por jam edhe i ndërgjegjshem se shpikja e WC ka shpëtuar më shumë jetë sesa të gjitha medikamentet e marra së bashku.
Postimi i plotë:
Sot është e djelë, është dita e Zotit, dhe unë do ngre një gotë për të gjithë ata që janë shëruar nga Covid-19 pa ndërmjetësinë e qeverive.
Mendoj se Covid 19 ka një gjysëm viti që bredh anekënd botës. Për shkak se përshkruhet si asimptomatik, mendoj edhe se numri i njerëzve të prekur-të shëruar prej tij në botë eshtë 100 herë më i lartë nga numrat që raportohen. Po ky numër, mendoj se është (n!) më i lartë sesa i atyre që kanë humbur jetën PREJ Covid-19. Sepse, edhe pse nuk përbën lajm, të vdesësh ME Covid, është shumë e ndryshme sesa të vdesësh PREJ Covid!
Deri ditën kur njerëzimi do shuhet dhe do bëhet ndoshta android, Trupi i Njerëzimit do vazhdojë të veprojë më shpejt se qeveritë në betejat që zhvillon me milionat e vriusëve që jetojnë brenda dhe në sipërfaqe të tij. E bën këtë prej 3000 shekujsh, duke krijuar antikorpet, dhe duke e bërë çdo virus thjesht të bezdisshëm, por të parrezikshëm.
Ndonjëri mund të më kujtojë penicilinën, apo të tjera vaksina e ilaçe. Jam i ndërgjegjshëm për to, për rolin e mjekësisë në përballjen me viruset, por jam edhe i ndërgjegjshem se shpikja e WC ka shpëtuar më shumë jetë sesa të gjitha medikamentet e marra së bashku.
Sado e mirëpritur nga të gjithë, sidomos nga qurrashët që ndoshta duan ta shërojnë edhe kancerin me paracetamol, çdo tentativë e qeverive për të konkurruar me trupin e njerëzimit në garën e mbijetesës duke e izoluar atë dhe duke i pamundësuar përballjen me virusin, është e padobishme.
Në këtë garë, 2 hapa pasi ajo të ketë filluar trupi i njerëzimit do ishte duke garuar për mbijetesën e njeriut, ndërsa qeveritë do ishin duke garuar për mbijetesën e sistemit.
Kjo garë do kishte pamjen sikur të vije Usain Bolt të garonte me mua në 400 metërsh. Unë, qesharak, si kofini pas të vjelit, dikur, do arrija në finish për të shpëtuar fytyrën, ndërsa Bolt do ishte duke u bërë gati për virusin tjetër… më falni garën tjetër./abcnews.al
eri Ida11:33 | 29/03/2020
15 raste të reja janë konfirmuar pozitivë me koronavirus në vendin tonë duke e çuar në 212 numrin e përgjithshëm.
Mirdita është një tjetër vatër e re infeksioni që u bashkohet qyteteve të tjera me persona të konfirmuar deri më tani me persona të infektuar me koronavirus në vendin tonë.
Në 24 orët e fundit janë testuar 111 persona të dyshuar, prej të cilëve janë konfirmuar 15 raste të reja me COVID-19.
Deri në këto momente janë testuar 1436 raste të dyshuara dhe prej tyre janë të konfirmuar pozitivë me COVID-19, 212 raste.
Nga COVID-19 kanë humbur jetën deri tani 10 qytetarë. Në shërbimin infektiv aktualisht janë 76 të shtruar. Prej tyre 6 janë në terapi intensive nga të cilët 4 janë të intubuar. Pjesa tjetër e të shtruarve në pavion janë në gjendje të stabilizuar deri në këto momente.
Shpërndarja gjeografike e rasteve pozitive, është si vijon:
– Tiranë 121 raste
– Durrës 12 raste
– Lushnje 4 raste
– Elbasan 5 raste
– Fier 22 raste
– Kavajë 4 raste
– Rrogozhinë 2 raste
– Korçë 12 raste
– Vlorë 5 raste
– Shkodër 5 raste
– Lezhë 5 raste
– Berat 1 rast
– Has 2 raste
– Krujë 5 raste
-Tropojë 3 raste
– Pukë 3 raste
– Mirditë 1 rast./abcnews.al
eri Ida11:29 | 29/03/2020
Petagogia Haris Vongli në një lidhje direkte për Abc News ka dhen detaje në lidhje me vetëkarantinimin e saj në Pekin dhe tashmë në Tiranë.
Petagogia është shprehur se në muajin janar është gjetur në Pekin ku dhe ka bërë vetëizolimin e parë pas shpërthimit të koronavirusit në Ëuhan.
Ndër të tjera në ajo ka theksuar se një shkak i përhapjes së madhe në Kinë dhe në botë mund të jetë bërë fakti se kur është raportuar shpërthimi i virusit në Ëuhan kinezët kanë qenë pushim dhe ato janë njerëz që lëvizin shumë.
“Një virus i ri i panjohur që në fillim ka shenjat e një gripi normal. Ka qenë periudha e festimeve të Vitit të Ri Kinez. Unë isha me fat se isha në kohën kur Pekini ishte i boshatisur. U vetëizolova atje për 12 ditë. Por disavantazh në atë periudhë ishte se kinezët kishin pushim dhe qytetarët kinezë kanë lëvizje masive, duke bërë që të ketë qenë dhe periudha kryesore e përhapjes. Kinezët janë një popull i bindur dhe dhe i kanë ndjekur me qetsi të gjithë udhëzimet e qeverisë. Në 24 janar kur unë kam ardhë në Shqipëri ka ndodhur edhe izolimi i Ëhanit, i cili ka 12 milionë banorë, e cila është qëndra e provincës Hubei që ka 56 milion banorë, ndërsa Italia ka 60 milionë banorë. Një provincë e Kinës është sa një shtet i Evropës, ndaj jmu duhet ta mendoni se çfarë përhapje marramendëse ka pasur në kinë dhe në tërëbotën nga lëvizja e qytetarëve.”, tha ajo
Gjithahstu pedagogia shqiptare ka deklaruar se nuk janë të mjaftueshme testete që janë bërë deri më tani në Shqipër, nëse do të ishin bërë më shumë sipas saj do të kishim më shumë persona të konfirmuar.
Pjesë nga biseda:
Si e more vendimin e vetëizolimit, ka qenë vendim i autoriteteve apo individual?
Ka qenë respekt ndaj vendimeve kineze, dhe disiplinimi i të gjithë popullatës kinezë. Kinezët janë ndryshe nga ne dhe nuk janë aq shumë socialë sa ne. Ishte normale që unë ti përgjigjesha thirrjes dhe të vetëizolohesha.
Ti ke qenë në shtëpi apo hotel?
Kam qenë në shtëpi me mikeshat e mia.
Ato nejtën me ty 12 ditë apo u kthyen?
Jo ato kanë qëndruar, ndërsa unë ika pasi u kthyen të gjithë studentët në të gjithë vendet e tyra të origjinës dhe unë nuk kisha punë pasi isha vetëm për një peridhë të shkurtër ku dhe impenjimet për të cilat unë isha u anuluan.
Po për ushqimet si ja bëje?
Atje nuk bëhet pazari për ditë mjafto një herë në javë. Nëse ti nuk ke kohë të gatuash mjafto të telefonosh. Kina është një vend i ndotur dhe ndotja në Pekin është e lartë dhe shpesh herë nga mbipopullimi atje mbahet maske dhe dorashka dhe disinfektues. Ata nuk janë njerëz që takohen.
Çfarë ndikoi sipas teje në përhapjen e gjërë të kësaj pandemie?
Mos informimi, popullsia e madhe dhe ato nuk e dinin se çfarë po ndodhte. Flitet që për herë të parë virusi është përhapur në një market në Ëuhan nga lakuriqët e natës nga supa me lakuriq të natës. Ato e kanë traditë një gjë të tillë, por nuk e dinin se mund të vinte një e keqe nga ky lloj ushqimi. Kina e kontrollon informacionin, është një popullatë e madhe por është nën kontroll informacioni.
Po ti gjatë izolimit ke parë dhe atë që pasqyronte media për publikun, si e gjykon këtë pasqyrim?
Media ka qenë korrekte pasi tregonte se në Ëuhan kishte një rritje të personave të infektuarve dhe tregonte dhe video që qëndronin në derën e spitaleve dhe binin në rrugë. Videot vinin nga Ëuhanit dhe atje ka pasur një përhapje marrëmëndëse. Sipas autoriteteve personat binin në rrugë për shkak të etheve. Ne të kemi fatin që e kemi shembull Kinën.
Çfarë linje arjrore ke përdorur?
Nga Pekini në Abu Dabi me masa të rrepta dhe me kontrolle ne Pekin, në çdo avion vinin persona me aparaturat e matjes së temperaturës. E njëjtja që më ndodhi dhe në Abu Dabi ndërsa në Beograd më thanë se ishte në skaner. Në Shqipëri nuk kishte filluar ende një kontroll i tillë, ato më pyetën, nga vija dhe më pyetën se nëse isha kontrolluar apo jo. Mendoj se akoma në shqipëri nuk kishte ardhur ende ai informacion.
A tentove të bëje analizat në Shqipëri, pasi u ktheve?
Jo pasi unë vija e mirinformuar nga Kina kisha kaluar 14 ditë në vetëkarantinim, dhe simptomat shfaqen pas 5 ditëve. Testimi nuk bëhet për këdo, dhe pse për mua duhet të bëhet një gjë e tillë dhe besoj se në Shqipëri është një situatë e menaxhueshme nëse aplikohet një gjë e tillë.
Ku është ndryshimi mes kinezëve dhe shqiptarëve persa i përket masave që kanë marrë dy shtete
Ne jemi një popull shumë i dashur me njëri tjetrin, jemi shumë social e kemi vështirë që të bëhemi asocial. Kështu janë ballkanasit.
Me këtë ritëm që po ecën Shqipëri, çfarë duhet të ishte bërë ndryshe sipas teje?
Testet besoj se duhet të bëheshin më shumë testime, unë mendoj se në Shqipëri virusi mund nga 1 janari deri më 15 mars në Shqipëri mund të ketë hyrë mijëra shqiptarë nga Italia ndërkohë që shifrat mund të jenë shumë më tepër. Ndaj mendoj se numri i testeve është shumë i vogël.Sipas meje mendoj se nëse do të kishte më shumë teste të bëra do të kishim më shumë persona të konfirmuar me COVID 19.
eri Ida11:04 | 29/03/2020
Një tjetër rast i ri është konfirmuar një ditë më parë me koronavirus në qytetin e Fier.
Gazetarja Valbona Davidhi raporton për Abc News se ka rezultuar pozitive me koronavirus një nënpunëse e DAR në Fier, është një rast që po hetohet se si ka ardhur infektimi, nuk dihet nëse është vatër e re infektisoni apo është zinxhir i vatrës së punonjësve të Thesarit në Fier. Autoritete po punojnë për të zbuluar se si ëhstë infektuar nënpunësja e dar
Ndërkohë deri më tani numri në 22 çdo ditë një rast i ri, testet janë kryer për personat që kanë shfaqur simptoma. Është një numër mesatarisht prej 7 testesh në ditë.
Ndër të tjera gazetarja e abcnews.al ka bërë me dije se të gjithë nënpunësit e Thesarit dhe nënpunësja e DAR ndodhen në vetëizolim në shtëpitë e tyre pasi fatmirësisht janë në gjendje të mirë shendëtsore./abcnews.al
eri Ida10:25 | 29/03/2020
Kryeministri britanik Boris Johnson ka dërguar letër në çdo familje në Britaninë e Madhe ku thekson se kriza e koronavirusit do të përkeqësohet përpara se të përmirësohet. Johnson i cili është konfirmuar pozitive me COVID-19 është shprehur se kufizimet më të rrepta mund të vendosen nëse është e nevojshme.
Gjithahstu në kuadër të masave të marra nga qeveria, britanikët do të marrin një broshurë që detajon rregullat e qeverisë për të lënë shtëpinë dhe informacionin shëndetësor.
Reagimi i tij pason kritikat mbi qartësinë e këshillave të qeverisë deri më sot.
Në letrën që u dërgohej 30 milion familjeve me një kosto të parashikuar prej 5.8 milion paun, Z. Johnson shkruan: “Që nga fillimi, ne kemi kërkuar të vendosim masat e duhura në kohën e duhur.
“Ne nuk do të hezitojmë të shkojmë më tej nëse kjo është ajo që na thotë këshilla shkencore dhe mjekësore.”
Masat e ashpra për të trajtuar përhapjen e koronavirusit, përfshirë ndalimin e tubimeve publike të më shumë se dy personave dhe mbylljen e dyqaneve që shesin mallra jo thelbësore, u prezantuan javën e kaluar.
“Është e rëndësishme për mua të rreshtohem me ju – ne e dimë se gjërat do të përkeqësohen para se të përmirësohen”, thuhet në letër.
Ndërkohë deri më tani numri i personave që kanë vdekur me koronavirus në Mbretërinë e Bashkuar tani ka arritur në 1,019, ndërsa të shtunën humbën jetën 260 persona. Ndërsa numri i personave të prekur nga koronavirusi në Britani është në 17.089 raste./abcnews.al
eri Ida10:09 | 29/03/2020
Shtatë punonjësit e Urgjencës në Pukë kanë rezultuar negativ për koronavirus, pasi u karantinuan më parë.
Bashkia e Pukës përmes një postimi në rrjetin social Facebook, bën me dije se fatmirësisht personeli mjekësor ka rezultuar negativ nga COVID 19.
Postimi i plotë:
Njoftimi i bashkisë Pukë:
Mirmengjes me këtë lajm fantastik🙏🙏🙏
Autoritetet e Shëndetit Publik në Pukë sapo na kanë konfirmuar lajmin e mirë se asnjë nga shtatë punonjësit e Shërbimit të Urgjencës ne Pukë, që u karantinuan nuk është prekur nga COVID-19.
Pas analizave të kryera kanë rezultuar COVID-Negativ.
🙏Faleminderit ZOT!
Bashkë mund t’ja dalim!/abcnews.al
eri Ida09:36 | 29/03/2020
Dy mjekë të tjerë të “Shefqet Ndroqi”, janë shëruar nga koronavirusi duke e çuar në 8 numrin e personelit mjekësor të shëruar deri më tani në Tiranë dhe në Durrës.
Ministrja e Shëndetsisë përmes një postimi në rrjetin social Facebook, shkruan se fatmirësisht deri më tani në betejën me COVID 19 ja kanë dalë mbanë 40 pacientë.
Postimi i plotë:
🔴#COVID-19
Edhe 2️⃣ mjekë të spitalit “Shefqet Ndroqi” janë shëruar, pas testimit konfirmues të kryer në laboratorin e Institutit të Shëndetit Publik❗
Shkon në 8️⃣ numri i personelit mjekësor të #shëruar në Tiranë dhe Durrës🙏🏼
Deri tani janë 4️⃣0️⃣ pacientë dhe staf mjekësor që e kanë fituar betejën me 🤜#COVID-19🤛./abcnews.al
eri Ida09:27 | 29/03/2020
Pas denoncimit të bërë në Abc News nga një familje në Vaun e Dejes, ku 3 anëtarë janë konfimuar pozitiv me covid 19, autoritetet u detyruan ti bëjnë testin edhe anëtarë të tjerë të familjes.
Burime për Abc News bëjnë me dije se tashmë përveç 35 vjeçarit pozitiv me koronavirus ka rezultuar nëna dhe kunata e tij.
Gazetari Simon Shkreli raporton për abcnews.al se kjo është një famije e madhe me 5 djem me 26-27 familjarë. Ndërkohë këtë të dielë pritet që tamponi tu bëhet 6 anëtarëve të familjes nga Vau i Dejës të cilët kanë shfaqur shenja klinike.
Ndërkohë gazetari bën me dije se deri më tani nuk është marrë asnjë masë në lidhje me personelin mjekësor të Poliklinikës në Vaun e Dejës.
Të shtunën ata denoncuar në ABC News dhe rrëfyen se as fëmijëve të 35 vjecarit nuk u është marrë tamponi. Ndërsa theksuan se nuk i është kryer analiza as nipit i tij, që i ka bërë frymëmarrje artificiale kur ende nuk ishte i konfirmuar me koronavirus. I rëndë është dhe fakti që 35 vjeçari rreth 8 ditë më parë është vizituar në spitalin e Shkodrës dhe ka pasur kontakt me personelin shëndetësor. Sipas burimeve, as këtyre të fundit nuk u është kryer ende testi per Covid-19./abncews.al
eri Ida08:58 | 29/03/2020
Papa Francescu këtë të dielë ka mbajtur meshën në nderim të viktimave të shkaktuara nga koronavirusi. Papa e ka quajtur 29 marsin “E diela e Loteve”, dhe ka zhvilluar meshën në nderim të 889 viktimave që humbën jetën një ditë më parë në Itali, ku numri i viktimave ka arritur mbi 10.000 vdekje.
Papa Francesku përpos lutjeve, ka theksuar faktin se sipas të dhënave zyrtare, fatmirësisht ka më pak të infektuar si dhe shumë përsona të tjerë janë shëruar.
“Unë mendoj dhe lutem për kaq shumë njerëz që qajnë, njerëz të izoluar, në karantinë, të moshuarit, të shtruar në spital, njerëzit në kujdesin intensiv, prindërit që nuk kanë se çfarë ti japin për të ngrënë fëmijëve të tyre”, u shpreh Papa Francesku./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
