Loading ...
Atletico Madrid është e fokusuar totalisht te Champions League. Kjo kupë mungon në historinë e klubit spanjoll. “Colchoneros” kanë dalë tre herë në finalen e madhe, por nuk ia kanë dalë të marrin me vete trofeun e madh.
Skuadra e Diego Simeones u kualifikua në çerekfinale pasi eliminoi Liverpool, kampionët në fuqi të këtij kompeticioni. Kjo arritje ka rritur besimin dhe i ka motivuar të gjithë tek Atletico. Presidenti Enrique Cerezo nuk e fsheh ambicien e tij në një deklaratë për Movistar.
“Jemi të veçantë dhe jemi në gjendje për të fituar Champions League edhe pa ndihmën e tifozëve. Ky mund të jetë viti ynë. Duam të mbërrijmë në finale, na ndajnë pak ndeshje nga diçka e tillë. Simeone? Është i qetë dhe i sigurt në atë që bën“, deklaron kreu i klubit iberik. /abcnews.al
