Karburantet futen masivisht kontrabandë, ndërsa shqiptarët e paguajnë sa “frengu pulën”? Deputeti që denoncoi skandalin flet në Abc Live: Bëra detyrën, SPAK të ndërhyjë

schedule13:56 - 12 Korrik, 2022

schedule 13:56 - 12 Korrik, 2022

Deputeti demokrat Dashnor Sula ka publikuar së fundmi disa të dhëna për numrin e makinave që janë në qarkullim në Shqipëri dhe importin e karburanteve ndër vite. Referuar këtyre shifrave, numri i makinave në vend nga 2011 deri në 2021 është dyfishuar, kurse importi i karburanteve është ulur.

Në vitin 2011 rezultojnë 410.629 makina të regjistruara në Shqipëri, ndërkohë sasia e karburantit të importuar ka qenë 570 milionë e 441 mijë e 945 litra. Ndërkohë, në vitin 2021, rezultojnë 740.669 makina të regjistruara dhe karburanti i importuar është 536 milionë e 25 mijë e 971 litra.

Në një lidhje direkte me Abc Live, deputeti demokrat ngriti dyshime për një skandal të mundshëm me shmangien e detyrimeve tatimore nga kompanitë.

Ai theksoi se detyra e tij si ligjvënës shkon deri këtu dhe tashmë është radha e institucioneve të drejtësisë që të bëjnë punën e tyre. Po ashtu, ai u shpreh se ka bindjen që edhe problematika të tjera për të hetuar.

“Organet ligjzbatuese të shtetit e kanë për të dytë të kontrollojnë, të mos lejojnë as edhe një litër naftë kontrabandë. Nuk është detyra ime, por unë u vura në lëvizje, tani të ngrihen institucionet shtetërore në këmbë e të bëjnë detyrën. Ka dyshime të kemi një skandal. Unë e ngre zërin, tani është detyra e tyre që të vijojnë më tej.”

Më konkretisht, Sula kërkoi një reagim të menjëhershëm nga Drejtoria e Përgjithshme e Doganave. /abcnews.al/