Në plazhet e Vlorës ka nisur puna për sistemimin e tyre. Në ndryshim nga viti i kaluar, në maj kanë munguar turistët për shkak të ndryshimit të temperaturave. Ndërkaq, bashkia po shqyrton kërkesat e privatëve që do të administrojnë plazhet.
Me ngritjen e temperaturave nisi edhe puna për sistemin dhe pastrimin e plazheve në Vlorë. Me pak vonesë nga kapriçot e motit. Përmirësimi i kohës këtë fundjave ka sjellë edhe turistët e parë në qytetin bregdetar.
Ndërsa në Bashki kanë mbërritur kërkesat e privatëve të cilët pritet të administrojnë plazhet. Ashtu si edhe një vit më parë kriteri i parë që duhet të plotësojnë subjektet private është roja bregdetare.
Vlora ka rreth 25 km vijë bregdetare dhe nga këto 5 km janë plazhet publike. Në qershor kur pritet të ketë një rritje të numrit të pushuesve plazhet do të jenë gati./ABC News Albania 24/7
