Kapet me granata dhe fishekë, arrestohet 26-vjeçari në Himarë

schedule11:51 - 9 Qershor, 2022

schedule 11:51 - 9 Qershor, 2022

Një 26-vjeçar nga Himara është arrestuar pasi i është gjetur një sasi  sasi municioni luftarak si dhe disa fidanë të dyshuar narkotikë, cannabis sattiva.

Si rezultat i kontrolleve masive të territorit, me qëllim parandalimin, evidentimin dhe goditjen e veprimtarive kriminale në fushën e narkotikëve, si dhe të çdo paligjshmërie tjetër policia ka gjetur dhe sekuestruar 100 fishekë, 2 granata, si dhe disa fidanë të kultivuar në vazo, të dyshuar narkotikë cannabis sattiva.

Në njoftimin e bluve thuhet se u bë arrestimi në flagrancë i autorit të dyshuar, shtetasit A. M., 26 vjeç, banues në fshatin Nivicë, Himarë, për veprat penale “Kultivimi i bimëve narkotike” dhe “Mbajtja pa leje dhe prodhimi i armëve, armëve shpërthyese dhe i municionit “.

Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme./abcnews.al/