Loading ...
Edhe Barcelona është prekur nga koronavirusi, por e ka mbajtur sekret infektimin e 7 pjesëtarëve të saj. Rac 1 dhe Mundo Deportivo raportojnë se pesë futbollistë dhe dy anëtarë të stafeve teknike, kanë qenë të prekur.
Të shtatë kanë qenë asimptomatik dhe e kanë kaluar të keqen. Infektimi i tyre, emrat e të cilëve nuk bëhen të ditur, është marrë vesh në testet që kryen katalanasit sapo rinisën stërvitjet. Kryesuesit kanë lajmëruar menjëherë Ligën për përgjigjet e testeve.
Në 11 qershor do të rifillojë kampionati spanjoll, ndërsa Barcelona zbret në fushë dy ditë më vonë. Djemtë e Setien e nisin në transfertë dhe do të kenë përballë Mallorca, sfidë që do të luhet në orën 22:00. /abcnews.al
