Kancelarja gjermane largohet pas 16 vitesh në pushtet, Rama: Faleminderit Angela, paç mbarësi

schedule13:41 - 3 Dhjetor, 2021

schedule 13:41 - 3 Dhjetor, 2021

Kryeministri Edi Rama i ka dedikuar një postim në mediat e tij sociale Angela Merkel-it e cila u largua nga skena politike pas 16 vitesh në pushtet. Me një ceremoni ushtarake festive në Berlin ajo u nderua të enjten në mbrëmje para largimit nga detyra.

Kreu i qeverisë ka publikuar një foto në të cilën shfaqet ai duke biseduar me kancelaren.

“Faleminderit Angela dhe paç mbarësi e shëndet në kapitullin e ri të jetës,” shkruan Rama në postimin e tij.

EDI RAMA NË FACEBOOK

Faleminderit Angela dhe paç mbarësi e shëndet në kapitullin e ri të jetës🙏

#Danke🇦🇱🤝🇩🇪

 

Kujtojmë se Merkel u takua me liderët e Ballkanit Perëndimor më 14 shtator në kuadër të Procesit të Berlinit.

Kancelarja u prit nga kryeministri Edi Rama në Pallatin e Brigadave dhe vizita e saj në Shqipëri u përmbyll me një konferencë të përbashkët me kryeministrin. Kjo është vizita e fundit e Merkel në Ballkan. /abcnews.al/