Selena Gomez ka folur për shëndetin e saj mendor në një përpjekje për të ndihmuar të tjerët. Edhe pse është një ndër personat më të ndjekur në të gjithë botën sa i përket rrjeteve sociale , Selena tha se “nuk ka qenë në internet për katër vite e gjysmë”.
“Kjo e ka ndryshuar plotësisht jetën time. Jam më e lumtur, jam më e pranishme, lidhem më shumë me njerëzit”, tha Gomez për “Good Morning America”. “Unë e kuptoj se sa i fuqishëm është interneti dhe në shumë mënyra ai ka bërë gjërat më të mira për botën.“, shtoi ajo.
Këngëtarja, e cila aktualisht ka më shumë se 300 milionë ndjekës në Instagram, po promovon Wondermind , një platformë që ka themeluar për shëndetin mendor. Gomez, e cila ka qenë e hapur për sfidat e saj, tha se qëllimi është të ndihmojë personat që kanë nevojë.
“Ka vende ku njerëzit shkojnë, kur kanë nevojë për ndihmë dhe është për të ardhur keq që ato kushtojnë shuma të mëdha parash,” tha Gomez. “Por ka një vend që gratë të ndihen mirë dhe të kuptohen, dhe unë e dua këtë për shëndetin mendor.” /abcnews.al
