Edi Martini ka dalë para medieve dhe ka folur për ndeshjen e radhës kundër Kukësit, për obejtkivat dhe situatën në skuadrën e tij. “Jam i kënaqur jo vetëm me rezultatin, por edhe me lojën kundër Skënderbeut. Fituam dhe në fund tre pikët vlejnë shumë”, tha fillimisht Martini.
Më tej ai shtoi: “Gjendja e skuadrës është e mirë, përveç Kallakut që ka pasur pak probleme. Besoj se edhe ai do të jetë pjesë e lojës. Dëmtimi është larguar, por ka bërë vetëm pak aerobi. Shpresoj tani të marrim rezultat pozitiv me Kukësin”.
“Të gjitha ndeshjet janë të vështira. Kukësi është një nga ekipet më të mira në Shqipëri. Është ndeshje e vështirë. Na duhen pikët, sikurse edhe atyre. Do jetë një ndeshje bukur, për mendimin tim”.
“Kemi katër lojtarë që na kanë ardhur në fund. Veç gjendjes fizike që është e rëndësishme, harmonia është shumë e rëndësishme. U jap merita lojtarëve me eksperiencë, që janë shkrirë edhe me të rinjtë dhe po marrim rezultate”.
“Pikët i kemi lënë me ekipet më të dobëta. Gjithsesi kemi kompensuar pikët e lëna me të mëdhatë. Normal më dhembin ato pikë të lëna, edhe tani që po flas këtu. Por kështu është futbolli.
“Do i bëjmë hyzmetin lojës tonë. Kemi grup të reduktuar me lojtarë, pasi edhe kalendari është i ngjeshur. Do luftojmë nga njëra ndeshje në tjetër. Llogaritë bëhen në fund, nuk mund të rrimë të qetë pa e arritur objektivin matematikisht”, përfundoi Martini. /abcnews.al
