Sherif Kallaku i dha fitoren Teutës kundër Flamurtarit dhe mesfushori nuk e fshehu kënaqësinë e të shënuarit. Pas ndeshjes, në lidhjen direkte me emisionin “Gol pas Goli” në Supersport, ai tha: “Më vjen mirë që është gol trepikëshi. Ishte shumë i rëndësishëm, ishte gol më shumë i skuadrës”.
“Kishte njëfarë presioni. Edhe vjet lamë pikë me ekipet poshtë. Këtë herë ndryshuam. Me ekipet e forta gjithmonë motivohen kundërshtarët”, tha mesfushori i Teutës, i cili është edhe kapiten i Shqipërisë u21.
“Ndeshjet e kombëtares janë ndjesi tjetër dhe të bëjnë të ndihesh më lart. Kam kaluar një dëmtim dhe më vjen mirë që e ktheva lojën time. Shpresoj të bëj edhe më mirë. Dëmtimin e kam kaluar, por akoma nuk jam aty ku duhet. Me punë do arrij ku ka kam qenë dhe ku duhet të jem”. /abcnews.al
