Loading ...
Juventus kthehet te fitorja në Serinë A dhe e bënë këtë në një ndeshje që për popullin bardhezi ka një vlerë të veçantë.
“Zonja e Vjetër” mundi 2-0 Napolin në një prej sfidave më të rëndësishme të javës së dhjetë të kampionatit italian, duke hedhur pas krahëve, të paktën për momentin, kritikat që e kishin shoqëruar kohët e fundit.
Pjesa e parë në “Allianz Stadium” ishte e ekuilibruar, me raste nga të dyja skuadrat.
Gjithsesi, rezultati mbeti I pandryshuar deri në pushimin e ndeshjes.
Në fraksionin e dytë, Juventus gjeti epërsinë në minutën e 70-të me talentin boshnjak Alajbegoviç.
Ky gol tronditi napolitanët, që në të 75-ën mbetën me një lojtar më pak, pas kartonit të kuq të Marianucci.
Me forca më të shumta në fushë, të zotët e shtëpisë vulosën fitoren me Boga vetëm tre minuta nga fundi I kohës së rregullt.
Me këtë sukses, Juventus ngjitet në vendin e shtatë me 17 pikë, duke iu afruar zonës europiane në renditjen e Serisë A. Një frymëmarrje lehtësuese edhe për Luciano Spalleti, ndërsa I gjithë presioni transferohet te kolegu I tij Massimilliano Allegri, që ndjen t’I lëkundet shumë shpejt pankina.
Kjo pasi Napoli është shumë larg pritshmërive, me vetëm 14 pikë në 10 ndeshje dhe në vendin e tetë të klasifikimit, shumë larg pretendentëve për titullin kampion.
