Jeta dhe vepra e Petro Markos i ashtuquajtur shkrimtar i “brezit të humbur” vjen e pasqyruar në revistën shkencore “Pasqyra e t’Rrëfyemit”.
Studiuesi Behar Gjoka thotë se qëllimi është për të risjell në vëmendje figurën e tij sëbashku me dritëhijet që e shoqërojnë.
Prej më shumë se 4 vitesh Gjoka është marrë me rileximin e testamentit të tij shkrimor, ku i njeh meritat si urë lidhëse e brezit të shkrimtarëve të viteve 30 me letërsinë bashkëkohore, por ai vë në dukje edhe frymën dhe gjurmën e realizmit socialist.
Studiuesi thotë se revolucioni e kafshoi dhe e burgosi. Ndërsa letersinë dhe jetën e tij e cilëson një udhëtim mes parajsës dhe ferrit.
Në këtë botim pasqyrohet edhe ditari i burgut dhe telegramet e Petro Markos ku spikat forca e dashurisë dhe triumfi i jetës.
Behar Gjoka bën thirrje për domosdoshmërinë e një monografie të plotë dhe reale për jetën dhe veprën e Petro Markos. /abcnews.al
