FA Cup ka një format spektakolar. Shorti vendos shumë klube “big” përballë ekipeve amatore, duke gëzuar tifozët e këtyre të fundit. Tottenham luajti në fushën e Marine FC ditën e djeshme. Djemtë e Jose Mourinhos fituan 0-5 përballë modestëve që garojnë në divizionin e tetë të futbollit anglez.
Drejtuesit e Marine FC vendosën të nxjerrin në shitje bileta virtuale përpara fillimit të takimit. 10 paund kushtonte një biletë dhe reagimi i tifozëve ishte mahnitës. Plot 30.697 bileta u shitën. Një surprizë e madhe edhe për Niall Cummins.
Sulmuesi i Marine FC nuk e kurseu batutën në prononcimin e dhënë për talkSport. “Mendoj se klubi ynë është sistemuar financiarisht për 20 vitet e ardhshme. Prisnim që të shiteshin rreth 500 bileta, ishim të kënaqur me 5 mijë paund fitim“, thekson sulmuesi anglez. /abcnews.al
