Tifozët e Barcelonës janë shqetësuar sot, pas njoftimit të klubit katalanas se një prej lojtarëve të tyre ishte infektuar me COVID-19. Gjithsesi nuk ka pasur probleme për lojtarët e grumbulluar për ndeshjen kundër Bayern Munich në Champions League.
Lojtari i infektuar është Jean-Clair Todibo, mbrojtësi i huazuar te Schalke 04. Ai ka qenë i dëmtuar dhe nuk është stërvitur me skuadrën. Kështu nuk ka pasur asnjë kontakt dhe katalanasit kanë fluturuar të qetë drejt Portugalisë.
Edhe gjendja e Todibo është e mirë. Mbrojtësi 20-vjeçar, përmes rrjeteve sociale, tregon: “Përshëndetje të gjithëve! Doja t;ju informoja se kam dal pozitiv në testin për COVID-19, por jam asimpomatik dhe ndihem mirë.
Jam në shtëpi, duke ndjekur udhëzimet e protokollit shëndetësor. Mezi pres të kthehem në stërvitje, por për momentin duhet të qëndroj në shtëpi dhe të shërohem nga ky virus. Faleminderit të gjithëve për mbështetjen dhe inkurajimin”. /abcnews.al\
Hola a todos, os informo que he dado positivo por covid-19, soy asintomático y me encuentro bien. Estoy en casa siguiendo el protocolo sanitario adecuado. Tengo muchas ganas de volver a los entrenamientos, pero ahora toca quedarse en casa hasta pasar el virus. 1/2 pic.twitter.com/6nqtlDf8ZZ
— Jean-Clair Todibo (@jctodibo) August 12, 2020
