Akuzën e ngritur nga Manjola Cakoni përmes Partisë Demokratike se është kërcënuar nga Rama, pasi deklaroi në media se nuk ka marrë ndihmë pas tërmetit, presidenti Ilir Meta e quan bullizëm qeveritar.
Teksa ka publikuar videon ku Cakoni i shpreh Grida Dumës shqetësimin e saj, Meta shkruan se transparenca dhe dialogu janë detyrime të patjetërsueshme.
Ai solidarizohet me Manjola Cakonin dhe familjen e saj, ndërsa shton se shqiptarët në nevojë nuk e meritojnë arrogancën dhe fyerjen.
“MJAFT me bulizëm qeveritar! Transparenca dhe dialogu janë detyrime të patjetërsueshme!
Në mungesë të humanizmit, ndihmës dhe përkrahjes shtetërore, shqiptarët në nevojë nuk e meritojnë edhe arrogancën, fyerjen dhe papërgjegjshmërinë!
Solidaritet me zonjën Manjola Cakoni dhe familjen e saj!”, shkruan Meta./m.v. abcnews.al
https://www.facebook.com/ilirmetazyrtar/videos/2824477207833361/
