Loading ...
Ministri i Punëve të Jashtme të Izraelit, Israel Katz ka dënuar miratimin e rezolutës së Asamblesë së Përgjithshme të OKB-së të premten, që i bën thirrje Këshillit të Sigurimit të OKB-së të rishqyrtojë anëtarësimin në OKB për Autoritetin Palestinez.
“Vendimi absurd i marrë sot në Asamblenë e Përgjithshme të OKB-së nënvizon njëanshmërinë strukturore të OKB-së dhe arsyet pse, nën udhëheqjen e Sekretarit të Përgjithshëm të OKB-së, Guterres, ajo është kthyer në një institucion të parëndësishëm”, tha Katz, duke shtuar: mesazhin që OKB-ja po i dërgon rajonit tonë të vuajtur: dhuna shpërblehet”.
Katz tha se vendimi do të ndërlikonte më tej negociatat rreth lirimit të pengjeve të mbajtura në Gaza, duke i dhënë “një erë bisht Hamasit”.
Ministri i Jashtëm falënderoi vendet që nuk votuan pro rezolutës, të cilat sipas tij zgjodhën “të qëndrojnë në anën e duhur të historisë dhe moralit”.
Një rezolutë e Asamblesë së Përgjithshme të Kombeve të Bashkuara (OKB) që i bën thirrje Këshillit të Sigurimit të OKB-së të rishqyrtojë anëtarësimin e Palestinës në OKB, u miratua të premten, me 143 vota pro, nëntë vota kundër dhe 25 abstenime.
Rezoluta i bën thirrje Këshillit të Sigurimit që të “rishqyrtojë çështjen në mënyrë të favorshme” dhe thekson që Autoriteti Palestinez t’i jepet anëtarësimi në OKB, duke thënë se “Shteti i Palestinës është i kualifikuar për anëtarësim në Kombet e Bashkuara”./abcnews.al
