Iu dogjën dokumentat, ambasada fton shqiptarët të aplikojnë

Emigrantët shqiptarë, të cilëve iu dogjën dokumentat e identifikimit gjatë zjarreve më të fundit në Attika të Greqisë, do të pajisen sërish me to. Ambasada shqiptare në Athinë, përmes një postimi në facebook, fton të gjithë të interesuarit pranë zyrave të saj për fillimin e procedurave të aplikimit.

Po ashtu ambasada bën të ditur se, sipas një vendimi të ministrit të jashtëm Ditmir Bushati, shpenzimet për ripajisjen me këto dokumenta, pasaportë apo kartë identiteti, do të mbulohen nga ambasada shqiptare në Athinë. /abcnews.al