Zjarrfikësit italianë kanë kryer 4000 operacione në tre ditët e fundit, për të përballuar motin e keq në rajonet veriore të vendit dhe zjarret në jug.
Kryetari i bashkisë së Palermos, Roberto Lagala, tha se “kaq shumë shpërthime zjarresh në ditët e fundit tregojnë se ato janë zjarrvënie”.
Presidenti i Republikës, Sergio Mattarella, ka folur në telefon me kryebashkiakun e kryeqytetit të Siçilisë dhe i ka përsëritur se është në dispozicion të tij dhe të banorëve për çdo ndërhyrje dhe iniciativë që mund t’i ndihmojë në një moment kaq të vështirë.
Kodrat rreth qytetit të Palermos vazhdojnë të digjen dhe Canadair po operon për të tretën ditë në zonë. Fronti i zjarrit po i afrohet landfillit të Belolambos dhe synimi kryesor i përpjekjeve është parandalimi i djegies së plehrave, të cilat mund të krijojnë probleme serioze shëndetësore për banorët.
Siç u njoftua dje, rajoni i Siçilisë e shpalli sot ishullin në gjendje krize dhe katastrofe mjedisore. Më pas, me mbledhjen e kabinetit të qeverisë Meloni, rajoni pritet të shpallë gjendjen e jashtëzakonshme.
Gjithsesi në orët e fundit temperaturat në Italinë e Poshtme kanë shënuar rënie dhe për nesër pritet një ulje e mëtejshme, pas një jave gjatë së cilës u regjistruan temperatura rekord.
