Madonna ka dalë nga spitali dhe është në shtëpi dhe ndihet më mirë pas një qëndrimi në kujdes intensiv, sipas BBC.
Lajmi për shëndetin e saj u nda nga menaxheri i saj, i cili tha se ajo kishte pësuar një “infeksion të rëndë bakterial”.
64-vjeçarja do të fillonte një turne botëror shtatë-mujor në javët e ardhshme, por është detyruar ta shtyjë atë.
Ajo u dërgua në shtëpinë e saj në Nju Jork me një ambulancë private, tha një burim për CNN.
Madonna, e cila është shumë private për çështjet shëndetësore, ishte në fazat e fundit të provave përpara turneut të saj të gjerë botëror.
Turneu Celebration do të fillonte në Kanada pas dy javësh, dhe do të zhvillohej në 45 qytete në mbarë botën.
Ky do të ishte turneu i saj i 12-të, duke shënuar 40 vjet përfshirje në industrinë e muzikës.
Revista amerikane Forbes e rendit atë si gruan e 45-të më të pasur në SHBA me një pasuri të vlerësuar prej 580 milionë dollarë (460 milionë £) dhe thotë se ajo ka fituar rreth 1.2 miliardë dollarë nga turnetë.
Këngëtarja ka marrë mijëra mesazhe mbështetjeje në internet që kur një deklaratë për shëndetin e saj u bë nga menaxheri Guy Oseary të mërkurën.
Detajet nëse turneu do të vazhdojë ende nuk janë shpallur.
“Në këtë kohë ne duhet të ndalojmë të gjitha angazhimet, që përfshin turneun. Ne do të ndajmë më shumë detaje me ju sapo t’i kemi ato, duke përfshirë një datë të re fillimi për turneun dhe për shfaqjet e riplanifikuara,” tha Oseary.
Menaxheri i saj tha gjithashtu se ai do të priste deri sa të shërohej këngëtarja.
