Nga Ajgena Korbi
Frikës nga autizmi iu shtuan dhe pasiguritë për marrjen e dozave anti COVID. Kjo bëri që shumë prindër gjatë pandemisë të hezitojnë të vaksinojnë fëmijët dhe me vaksinat e kalendarit të detyrueshëm. Specialistët e Shëndetit Publik ngrenë shqetësimin për rënien e mbulesës vaksinale për fruthin dhE shpërthimin e sëmundjes infektive.
Shefja Departamentit të Sëmundjeve Infektive në Institutin e Shëndetit Publike Silva Bino i bën thirrje prindërve të respektojnë kalendarin e vaksinimit. Fruthi është një sëmundje ngjitëse që mund të çojë deri në humbje jete.
Paralajmërimi për përhapje serioze të fruthit erdhi dhe nga Organizata Botërore e Shëndetësisë. Sipas OBSH të prekurit nga kjo sëmundje në mbarë botën u rritën me 79% dy muajt e parë të vitit në raport me vitin e shkuar.
/abcnews.al
