Loading ...
Trupat e Gardës Revolucionare Islamike të Iranit (IRGC) njoftuan se të enjten kanë lëshuar dhjetë raketa balistike drejt një baze ushtarake amerikane në Jordani.
Sipas deklaratës së IRGC-së, objektiv i sulmit ishte baza ushtarake Azraq, në veri të Jordanisë, e njohur edhe si Baza Ajrore Muwaffaq Salti. Sipas autoriteteve iraniane, SHBA-ja ka rritur ndjeshëm praninë ushtarake në këtë bazë gjatë konfliktit me Iranin.
Në deklaratën e saj, IRGC paralajmëroi se nëse Shtetet e Bashkuara do të vazhdojnë me ato që i cilëson si “akte agresioni”, edhe baza të tjera amerikane në rajon mund të bëhen objektiv i sulmeve.
“Nëse ushtria amerikane përsërit aktet e saj të agresionit, baza të tjera amerikane në rajon nuk do t’i shpëtojnë goditjeve të rënda”, thuhet në deklaratën e Gardës Revolucionare.
Ndërkohë, autoritetet jordaneze thanë se nuk ka raportime për dëme materiale apo viktima. Zëdhënësi i qeverisë, Mohammad Al-Momani, deklaroi në platformën X se të gjitha raketat u interceptuan dhe u neutralizuan nga sistemet e mbrojtjes ajrore.
